25.11.2012 / 10:24

Кліп карэйскага рэпера пабіў рэкорд на YouTube: яго праглядзелі больш за 800 млн чалавек — відэа 31

Відэакліп паўднёвакарэйскага рэпера Psy пабіў абсалютны рэкорд па колькасці праглядаў на партале Youtube. Усяго за чатыры месяцы яго сінгл пад назвай Gangnam Style па стане на раніцу нядзелі паглядзелі больш за 812 млн чалавек.

Папярэдні рэкорд па ліку праглядаў — 803 млн — належаў песні Baby канадца Джасціна Бібера.

У ролік высмейваецца спажывецкі стыль жыцця Гангнама, багатага прыгарада паўднёвакарэйскай сталіцы Сеула.
Танец, які рэпер выконвае ў кліпе Gangnam Style, здабыў такую ​​папулярнасць, што яго паўтарылі мільёны людзей па ўсім свеце — ад генеральнага сакратара ААН Пан Гі Муна да зняволеных турмы на Філіпінах.

Gangnam Style атрымаў прыз як найлепшы відэаролік на цырымоніі MTV Europe Music Awards. Відэа узначаліў чарты ў 28 краінах.

У кнігу рэкордаў Гінеса кліп увайшоў як песня, якая набрала найбольшую колькасць «лайкаў», — цяпер іх у роліка на YouTube каля 5,4 млн.

«Гэта вялікі хіт глабальнага ўзроўню, не падобны ні на што з таго, што мы бачылі раней», — гаворыцца ў блогу YouTube.

У блогу відэахостынгу таксама згадваецца, што хуткасць, з якой відэа набывае папулярнасць, беспрэцэдэнтная для YouTube.

0
бумбарашык / Адказаць
25.11.2012 / 10:30
Ничога асабливага
0
1234 / Адказаць
25.11.2012 / 10:39
Беларуская версия лучше:) http://www.youtube.com/watch?v=OIzQkjbVKGg
0
Аляксей / Адказаць
25.11.2012 / 10:43
Да ладна! У кліп укладалі грошы і гэта бачна. Ёсьць ідэя і фішка. Вельмі удалы PR на ютуб. Карэйцы стварылі добры прадукт і прадалі яго вельмі ўдала. Рэспект. Ніводны з беларускіх выканаўцаў розных часоў нічога такога "асаблівага" не зрабіў і наўрад ці зробіць. Не хопіць крэатыву.
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру