26.11.2012 / 10:20

На выбарах у Каталоніі незалежніцкія партыі сабралі 57% галасоў 52

На датэрміновых выбарах у парламент Каталоніі перамог з 31% галасоў памяркоўны Нацыянальны альянс «Канвергенцыя і саюз Каталоніі».

Паслядоўна незалежніцкая Партыя левых рэспубліканцаў здабыла 14% галасоў. Агулам чатыры незалежніцкія партыі сабралі 57% галасоў.

Кансерватыўная Народная партыя і агульнагішпанская Сацыялістычная рабочая партыя, а таксама іншыя сілы, што выступаюць за захаванне адзінства Гішпаніі, здабылі разам 35% галасоў.

Такія вынікі азначаюць, што рэгіён чакае рэферэндум пра поўную незалежнасць ад Гішпаніі.

Такая перспектыва стала магчымай пасля таго як да патрабавання незалежнасці далучылася кіраўнічая партыя «Канвергенцыя і саюз», якая раней абмяжоўвалася патрабаваннямі самастойнасці ўнутры Гішпаніі.

Мадрыд пярэчыць прэтэнзіям Барселоны на суверэнітэт. Да таго ж, вялікія лічбы каталанцаў жывуць за межамі рэгіёна Каталоніі, у суседніх правінцыях. Таму разыходжанне дзвюх краін можа аказацца напружаным, а вызначэнне межаў новай дзяржавы — складаным працэсам.

Каталонія — гэта рэгіён на поўначы Іспаніі, ад Міжземнага мора да Пірэнеяў. Жыве там каля 7 мільёнаў чалавек. Сталіца — Барселона.

Знакамітыя каталанцы: мастакі Сальвадор Далі, Хаан Міро, архітэктар Антоні Гаўдзі, скульптар Арыстыд Маёль, бізнэсовец Факунда Бакардзі — стваральнік рому «Bacardi», жыдоўскі філосаф Нахманід, спевакі Хасэп Карэрас і Мантсэрат Кабалье, спартоўцы Хуан Антоніа Самаранч, Хасэп Гвардыёла.
У каталонцаў ёсць свая асобная мова і культура.
У часы франкізму каталанскую мову не вывучалі ў школах, яе вывелі з публічнага ўжытку. Але пасля падзення дыктатуры адбылося яе адраджэнне.
На сёння каля 35% насельнікаў Каталоніі аддае перавагу каталанскай, 45% — гішпанскай. 20% актыўна карыстаюцца ў побыце абедзвюма мовамі ці трасянкай.
Пры гэтым у Каталоніі дзейнічаюць меры, накіраваныя на падтрымку нацыянальнай мовы.

Мікола Бугай

0
Бенедзікт / Адказаць
26.11.2012 / 00:34
Каталёнцы, гэта асобны народ. Каталанская мова мае вельмі мала агульнага з іспанскай мовай. Адукацыя ў Каталёніі ажыцяўляецца на каталанскай мове. Посьпехаў 7,2 млн. народу Каталёніі, які здавён марыў аб незалежнасьці.
0
Анатоль Сідарэвіч / Адказаць
26.11.2012 / 00:39
Ужо даўнавата нехта пісаў, што нацыянальнае пытанне, што пытанне самавызначэння нацый у Еўропе вырашана. Ды не, 1990-я і пачатак ХХІ ст. паказалі, што гэта не так. Мала таго, пытанне самавызначэння некаторых народаў – гэта пытанне заўтрашняга дня. Вось моцна гучыць голас Каталоніі. А каталанцы жывуць і ў Андоры (там каталанская – афіцыйная мова), і на Балеарскіх выспах, і ў суседняй Валенсіі, і нават у Кастыліі. Старыя падзелы і неспраавядлівасці яшчэ будуць вяртацца бумерангам. Не забудзьма, што каталанцы жывуць і ў Францыі, што яны – браты правансальцаў. Хто сказаў, што Праванс і правансальцы памерлі? А карсіканцы, брэтонцы, эльзасцы ў той самай Францыі? А баскі ў Іспаніі і Францыі? А шкоты (шатландцы) ў Злучаным Каралеўстве? (Там сітуацыя нагадвае каталанскую.) Варушацца і валійцы. А хто скажа, якая будучыня чакае еўрапейскую частку Расіі з яе Паўночным Каўказам, фіна-ўгорскімі народамі, Татарстанам і Башкартастанам?
0
Жлобік Кашпіроўскі / Адказаць
26.11.2012 / 00:50
Анатоль Сідарэвіч " якая будучыня чакае еўрапейскую частку Расіі з яе Паўночным Каўказам, фіна-ўгорскімі народамі, Татарстанам і Башкартастанам?" Ісламская, баюся:(
Паказаць усе каментары/ 52 /
Каб пакінуць каментар, калі ласка, актывуйце JavaScript у наладах свайго браўзеру