26.11.2012 / 16:15

Егіпет уводзіць візы для беларусаў 10

Аб такой магчымасці беларускіх турагентаў папярэдзілі расійскія партнёры.

Заставачнае фота

Буйныя расійскія тураператары разаслалі сваім агентам адпаведныя лісты. У пасланнях сказана: «Інфармуем вас пра новыя патрабаванні знаходжання беларускіх грамадзян на тэрыторыі Егіпта. Беларускім грамадзянам, якія прыбываюць у Егіпет з тэрыторыі Расійскай Федэрацыі, неабходная віза».

Чуткі пра тое, што для беларускіх турыстаў адмяняюцца візы ў аэрапортах Хургады і Шарм-эль-Шэйха перыядычна з’яўляліся ўвесь апошні год.
Тым не менш чартары з Мінска, а таксама Масквы і Кіева з беларускімі турыстамі лёталі летам і восенню ў звычайным рэжыме. Ніякіх пытанняў да «пакетных» турыстаў з беларускімі пашпартамі ў аэрапортах ніколі не ўзнікала.
Турысты за 15 даляраў атрымлівалі запаветную «налепку» і адпраўляліся на пляж. І вось зноў нявызначанасць з візамі.
Прычым зараз турфірмы знаходзяцца ў поўнай разгубленасці: ці датычацца візавыя пытанні толькі беларускіх турыстаў, якія вылятаюць у Егіпет з Масквы (як сказана ў маскоўскіх лістах), альбо ўсё ж такі, як ужо ходзяць чуткі,
з 1 снежня ўсім беларусам (незалежна ад пункта адпраўлення) неабходная будзе егіпецкая віза для ўезду ў краіну?

Нагадаем, што ў Мінску няма егіпецкага дыппрадстаўніцтва, таму ездзіць па візы беларусам прыйдзецца ў сталіцу Расіі. Расійскія аператары, якія цалкам кантралююць рынак паездак беларусаў на егіпецкія пляжы, змогуць адкрываць візы нашым грамадзянам без асабістай прысутнасці суіскальнікаў,

але тым не менш працягласць працэдуры — прыблізна 10 дзён, мякка кажучы, не выклікала захаплення ў беларускіх турагентаў.

Для пачатку мы паспрабавалі знайсці якую-небудзь інфармацыю аб радыкальных зменах у візавым пытанні ў афіцыйных ведамствах. На жаль, датэлефанавацца да Пасольства Егіпта ў Маскве, гэтак жа як і знайсці якую-небудзь інфармацыю аб візавых зменах на афіцыйным сайце ўстановы, не ўдалося. У прэс-службе МЗС Беларусі на момант напісання матэрыялу таксама не мелі якой-небудзь інфармацыяй аб егіпецкіх візавых новаўвядзеннях.

Затым tio.by паспрабаваў атрымаць тлумачэнні ад найбуйнейшых тураператараў, якія працуюць у Беларусі. «Як толькі якая-небудзь інфармацыя наконт егіпецкіх віз пацвердзіцца, мы адразу ж паведамім пра гэта агенцтвы, пакуль што афіцыйных каментароў па гэтай нагоды мы даваць не будзем», — адказалі ў аддзеле рэкламы і PR кампаніі Tez Tour.

Тым не менш менавіта на афіцыйным сайце гэтага тураператара ў раздзеле «Турыстам» з нагоды віз у Егіпет указана адназначна:

беларусам патрабуецца абавязковае афармленне візы ў консульстве!

0
мясцовы2 / Адказаць
26.11.2012 / 16:51
Цікава, колькі яшчэ знойдзецца ідыётаў, каб чакаць гэтую Ебіпецкую візу 10 дзен?
0
памярковным / Адказаць
26.11.2012 / 17:07
Ничаво, пусць паедуць у шклавскую Александрыю, там и басейн есць и музей.
0
Paweł / Адказаць
26.11.2012 / 17:11
Толькі для беларусаў або для ўсіх грамадзянаў Беларусі, незалежна ад нацыянальнасьці? ;)
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру