26.11.2012 / 16:55

Элтан Джон спяваў для кітайскага дысідэнта

Знакаміты англійскі спявак і кампазітар прысвяціў сваё адзінае выступленне ў Пекіне вядомаму кітайскаму дысідэнту, мастаку і скульптару Ай Вэйвэю.

Перад канцэртам спявак сустрэўся з мастаком.
«Ён (Элтан Джон) вельмі мне спадабаўся», напісаў пасля сустрэчы Вэйвэй у сваім мікраблогу ў Twitter. Twitter афіцыйна забаронены ў Кітаі, аднак старонка мастака налічвае каля 180 тыс. падпісчыкаў.

​​Як адзначае Associated Press, СМІ Кітая пішуць пра канцэрт Элтана Джона ў Пекіне, аднак пазбягаюць згадваць аб Ай Вэйвэі. Сусветна вядомы скульптар і мастак Ай Вэйвэй у мінулым годзе быў зьмешчаны ўладамі Кітая ў турму, ён прабыў у зняволенні тры месяцы, а напярэдадні заходнееўрапейскага турнэ прэм’ера Дзяржрады КНР Вэнь Цзябао быў вызвалены з фармулёўкай «прызнаў сваю віну і па стане здароўя».

Каб пакінуць каментар, калі ласка, актывуйце JavaScript у наладах свайго браўзеру