28.11.2012 / 17:48

Сядзібу Дастаеўскіх на Берасцейшчыне адновяць за расейскія грошы 4

Пра гэта заявіў пасол РФ Аляксандр Сурыкаў.

Расійскі бок практычна цалкам прафінансуе працы па аднаўленні сядзібы роду Дастаеўскіх ў Янаўскім раёне Брэсцкай вобласці. Аб гэтым сёння журналістам па выніках сустрэчы са старшынёй Брэсцкага аблвыканкама Канстанцінам Сумарам заявіў Пасол Расіі ў Беларусі Аляксандр Сурыкаў.

З імем роду Дастаеўскіх ў Янаўскім раёне Брэсцкай вобласці звязана многае. Ёсць вёска Дастоева, дзейнічае Дастаеўскі сельскі савет. У раёне праводзіцца вялікая праца па захаванні гісторыка-культурнай спадчыны самага знакамітага прадстаўніка роду — Фёдара Дастаеўскага, чые продкі з’явіліся на палескай зямлі яшчэ ў XVI стагоддзі.

З 1982 года ў Дастаеўскай сярэдняй школе створаны літаратурна-краязнаўчы музей Фёдара Дастаеўскага, які стаў цэнтрам папулярызацыі літаратурнай спадчыны вялікага расійскага пісьменніка, дзе сабрана больш за 3000 экспанатаў. Сярод іх — унікальныя архіўныя матэрыялы аб прадстаўніках роду Дастаеўскіх, картаграфічныя матэрыялы, друкаваныя выданні. У экспазіцыі музея адноўлена дыярама маёнтка Дастаеўскіх.

Радавы маёнтак Дастаеўскіх да нашых дзён не захаваўся. Сядзіба была часткова разбураная ў 1943 годзе, а ў 1960-я цалкам знішчаная, паведамляе БелТА.

Першым водгукам на паведамленне быў наступны каментар:

«Каб толькі сказалі, менавіта якую «сядзібу Дастаеўскіх» збіраюцца аднаўляць.
Няма нават якіх-небудзь слядоў той былой сядзібы, што да сярэдзіны XVII стагоддзя мела дачыненне да Дастаеўскіх
(дарэчы, бацька расейскага пісьменьніка-шавініста Фёдара Дастаеўскага паходзіў не з палескага Дастоева — гэта іншая, валынская галіна роду).
Таму «у агародзе бузіна, а ў Кіеве дзядзька».
Аднаўляйце немаведама што неведама дзе, пасол Сурыкаў!
Вам патрэбна даказаць, што вы, расейцы, былі тут ажно ў XVI–XVII стагоддзях? Дык гэта таксама памылка, бо тыя Ірцішчы-Дастаеўскія, што тут былі, не былі вы, расейцы», — піша чытач, якісхаваўся пад нікам «Акакій Акакіевіч».
0
Valer Kisiel / Адказаць
28.11.2012 / 18:31
Асабліва Дастаеўскі сельскі савет зьвязаны зь імем роду Дастаеўскіх :) Дарэчы, слушней Дастоеўскі ад Дастоева! А Дастаеўскі - вынік палянізацыі прозьвішча роду, бо ў суседзяў націск заўсёды на перадапошнім складзе. Што да Дастаеўскіх, то яны займалі розныя пасады ў ВКЛ. Але безпасярэднія прадзеды Хведара Дастаеўскага жылі ўжо ў Украіне. Пачынаючы з 18 ст. ўладальнікамі Дастоева па чарзе былі Стравінскія, Чапліцы, Орды. Дык чыю сядзібу будуць аднаўляць расейцы?
0
Акакiй АкакiЂвич / Адказаць
28.11.2012 / 22:17
Вот и доказательства 6 октября 1506 г. пинский князь Федор Иванович Ярославич дарует своему слуге Даниилу Ртищичу несколько сел, среди которых часть села Достоева (ныне Ивановского района Брестской области, Республика Беларусь). Фамилия Достоевских (по названию села) закрепилась за потомками Даниила Ртищича постепенно. Первым историческим лицом, постоянно носившим эту фамилию, был внук Даниила Федор Иванович (род. ок. 1530 г. – ск. после 1601 г.). Он являлся «уполномоченным приятелем» (адвокатом) князя Андрея Михайловича Курбского, эмигрировавшего при царе Иване Грозном из Московского княжества в Литву. Дату ─ 6 октября 1506 г. ─ можно считать началом истории рода Достоевских, давшего МИРУ одного из ВЕЛИЧАЙШИХ ПИСАТЕЛЕЙ современности.
0
вось / Адказаць
28.11.2012 / 23:44
Імя роду - ад Дастоева! і кропка! Адновяць - і добра! А то расхваляваліся тут розныя Дзевушкіны( тыя, што Акакіі Акакіевічы..) Дастоева - на Беларусі і кіеўскага дзядзьку просім не хвалявацца. Гэта ў той валынскай сядзібе прыгонныя забілі дзеда Дастаеўскага? ------------------------------------- Valer Kisiel напiсаў(ла) 28 лiстапада 2012 у 18:31 Дык чыю сядзібу будуць аднаўляць расейцы? .............. а хоць якая захавалася? там і царкву былі знішчылі - за саўком..
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру