Суд у Егіпце завочна прысудзіў да смяротнага пакарання сямёра хрысціян. «Падсудныя прызнаныя вінаватымі ў блюзнерстве шляхам прыняцця ўдзелу ў стварэнні фільма», -- заявіў суддзя.
Аматарскі амерыканскі фільм «Цнатлівасць мусульман» выставіў прарока Мухамеда ашуканцам і гомасэксуалістам. У мусульманаў гэта выклікала хвалю абурэння. Пасля таго як ролік быў змешчаны на YouTube, мусульмане сталі нападаць на пасольствы ЗША. У шэрагу краін, у тым ліку і ў Расіі, відэа забаранілі як экстрэмісцкае.
ЗША асудзіла фільм як знявагу ісламскай рэлігіі. Але ніякага пакарання яго аўтарам і тым больш акцёрам у ЗША быць не можа, бо свабода слова гарантуецца амерыканскай канстытуцыяй.
Аўтара фільма Накулу Басілі Накулу арыштавалі, але не за фільм, а за парушэнне судовага рашэння па справе аб фінансавых махінацыях. Накула Басілі па паходжанні – егіпецкі хрысціянін-копт.
