29.11.2012 / 11:40

Праляскоўскі: Пры аптымізацыі СМІ абапірацца будзем на «Советскую Белоруссию» 5

Пры аптымізацыі рэспубліканскіх друкаваных СМІ абапірацца будзем на газету «Советская Белоруссия» — самае масавае і ва ўсіх сэнсах паспяховае штодзённае грамадска-палітычнае выданне.
Пра гэта заявіў у інтэрв’ю часопісу «Беларуская думка» міністр інфармацыі Беларусі Алег Праляскоўскі.

На думку міністра, шэрагу нашых газет усё ж бракуе той унікальнасці пазіцыі і рэдактарскай палітыкі, якая ляжыць у аснове паспяховасці сучаснага СМІ, часта адны і тыя ж падзеі ў розных выданнях асвятляюцца аднолькава. «Сам узровень такога асвятлення, вядома, за апошнія гады значна павысіўся.

Але, з іншага боку, навошта займацца дубляваннем? Бо гэта не дае дадатковага эфекту ні ў інфармацыйным, ні ў фінансавым плане. А часам і наадварот…
Пяць штодзённых дзяржаўных масавых палітычных газет для нашай невялікай краіны — гэта залішні рэсурс», — мяркуе Алег Праляскоўскі.
Распавядаючы пра дэталі рэфармавання грамадска-палітычнага сектара рэспубліканскай прэсы, міністр інфармацыі адзначыў, што на першым этапе аптымізацыя рэдакцый закране арганізацыйна-фінансавай кухні:
адбудзецца аб’яднанне адміністрацыйнага апарата, стварэнне агульнай для рэспубліканскіх газет службы маркетынгу, а таксама бухгалтэрыі, юрыдычнай службы, гэта значыць плануецца стварыць адзіную юрыдычную асобу. На другім этапе неабходна будзе рэалізаваць эфектыўнае рашэнне, якое тычыцца творчай дзейнасці рэдакцый. Пры гэтым, як падкрэсліў міністр, ніхто не будзе выкінуты на вуліцу і пакінуты без увагі.
Паводле яго слоў, на парадку дня стаіць таксама і пытанне аб аптымізацыі рэгіянальнай прэсы. «Ніякіх радыкальных крокаў тут, вядома, не будзе — раённыя, гарадскія газеты захаваюцца.
Але некаторыя змены ўжо наспелі, неабходнасць іх стала відавочнай.
Так, у мэтах аптымізацыі варта пакінуць у кожнай вобласці па адной рэдакцыі абласной масава-палітычнай газеты», — паведаміў міністр інфармацыі Беларусі.

0
обозреватель / Адказаць
29.11.2012 / 12:11
Советская Б. хвалит изо дня в день Луку, и на нее будет опираться т. Пролесковский. Районки хвалят изо дня в день местных вертикальщиков, и без них, районок и вертикальщиков, тоже нельзя обойтись - на них надо опираться, иначе зачем вообще нужен т. Пролесковский? Следовательно, надо закрыть городские газеты, которые изо в день хвалят городское начальство. Пусть теперь хвалят областное. Вот и будет аканомия. Потрясающая реформа! А что от этих районок, областных рупоров и республиканского громовержца Советской Б. столько же пользы, сколько бывает молока от дворового кота, в расчет пока не берется. Но все равно "назреет", т. Пролесковский. Страна в долгах, и на всех вас, идеологов, денег не напасешься. Бумажые газеты отжили свой век, а хвалебные оды начальству читайте и интернете. Там вы много для себя нового и злободневного найдете!
0
Serg / Адказаць
29.11.2012 / 12:19
Віншую. "Масква-2042" спраўдзілася. 1 газета, 1 тэлеканал, 1 кіраўнік. Самі надрукавалі - самі і чытайце!
0
Антон Астаповіч / Адказаць
29.11.2012 / 12:57
Serg напiсаў(ла) 29 лiстапада 2012 у 12:19 Віншую. "Масква-2042" спраўдзілася. 1 газета, 1 тэлеканал, 1 кіраўнік. Самі надрукавалі - самі і чытайце! __________________________________________ З нецярпеннем чакаю, калі СБ, як у "Маскве 2042", будзе друкавацца рулонамі і рапаўсюджвацца прах "кабесоты". Для тых хто не чытяў - кабінеры естественных отправленій, сартыры па-нашаму.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру