29.11.2012 / 15:57

АГП выказала салідарнасць з «Новым жыццём» і звярнулася да Філарэта 12

Аб’яднаная грамадзянская партыя (АГП) выказвае салідарнасць з вернікамі царквы «Новае жыццё» і звяртаецца да мітрапаліта Філарэта з прапановай асудзіць дзеянні ўлад у дачыненні да царквы. Пра гэта гаворыцца ў заяве, прынятай палітрадай АГП.

Палітрада АГП адзначае, што высяленне царквы «Новае жыццё» з будынка — гэта «грубае парушэнне Канстытуцыі краіны, якая абвяшчае роўнасць усіх грамадзян незалежна ад іх рэлігійных перакананняў». У заяве нагадваецца, што гэта не першая спроба ўлад адабраць у вернікаў будынак. «Гэты факт сведчыць, што гэта не выпадковасць, не збег акалічнасцяў, а мэтанакіраваныя дзеянні сілавых структур і сталічнай адміністрацыі. І яны накіроўваюцца і каардынуюцца Адміністрацыяй прэзідэнта», — мяркуе АГП.

Палітрада партыі заклікала неабыякавых грамадзян і міжнародную супольнасць да салідарнасці з вернікамі.

Як адзначыла прэс-сакратар АГП Ганна Красуліна, свабода сходаў, веравызнання і свабода сумлення гарантуюцца Канстытуцыяй Беларусі. «Аднак гарант Канстытуцыі — прэзідэнт сам не выконвае Канстытуцыю і не гарантуе яе выкананне», — сказала Красуліна.

«Таму мы звяртаемся да Філарэта. Па-першае, гэта чалавек, да якога гарант Канстытуцыі прыслухоўваецца.

Па-другое, яго аўтарытэт у грамадстве бясспрэчны, яго слова важкае. Ну і па-трэцяе, мы лічым, што і праваслаўная царква, і „Новае жыццё“ — усё адно хрысціяне, і „Новаму жыццю“ цяпер патрэбна падтрымка прадстаўнікоў іншых канфесій. Таму што калі цяпер выганяць з царквы пратэстантаў, потым возьмуцца за католікаў, а потым і за праваслаўных», — лічыць Красуліна.

Зварот, паводле яе слоў, будзе адпраўлены Філарэту найбліжэйшым часам.

Як паведамлялася раней, на 5 снежня гаспадарчы суд Мінска прызначыў прымусовае высяленне рэлігійнай абшчыны хрысціян поўнага Евангелля «Царква «Новае жыццё» з дома № 72 па вуліцы Кавалёва.
Адпаведнае прадпісанне абшчына атрымала 27 лістапада. Прымусовае высяленне, як гаворыцца ў дакуменце, прызначана «на падставе судовага загада гаспадарчага суда горада Мінска па справе № 526–12/2009 ад 23 кастрычніка». Кіраўніку царквы прадпісана да 11.00 5 снежня «вызваліць памяшканне, а таксама падрыхтаваць камплекты ключоў для перадачы патрабавальніку».

Прыблізна сем гадоў Мінгарвыканкам спрабуе выселіць царкву «Новае жыццё» з гэтага будынка. У 2005 годзе гарадскія ўлады пазбавілі рэлігійную абшчыну права карыстання зямельным участкам, выдзеленым ёй у бестэрміновае карыстанне.

0
f / Адказаць
29.11.2012 / 16:05
Крывадушша ад агп. гэтая палітрада не пераносіць мітрапаліта а да яго звяртаецца каб справакаваць чарговыя негатыўныя эмоцыі калі мітрапаліт не асудзіць дзеянні ўладаў.
0
Ілля / Адказаць
29.11.2012 / 17:12
Няўжо ёсьць такія неразумныя палітыкі ў АГП, якія лічаць, што мітрапаліт Філярэт заступіцца за секту? P.S. Да рэдактараў і тых, хто крычыць, што я "распальваю рэлігійную варожасьц". Тое што я назваў царкву новае жыццё сектай - не мая думка, а афіцыяная думка праваслаўнае царквы. Ўсе баптысты - сектанты. Таму не трэба мяне абвінавачваць у парушэньні законаў і выдаляць мой камэнтар
0
гэта АГПоўскі электарат? / Адказаць
29.11.2012 / 18:14
прасіць дазволу у РПЦ ? Тупая справа. Лепш адразу ісьці ў КГБ.Харызматыкі стыкуюцца з папамі толькі па лініі русіфікацыі.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру