29.11.2012 / 16:18

Генконсульства ў Беластоку заклікае беларусаў быць пільнымі пры закупах у Польшчы 12

Генконсульства ў Беластоку заклікае беларусаў быць пільнымі пры куплі тавараў у Польшчы. Аб гэтым паведаміў генеральны консул Беларусі ў Беластоку Аляксандр Берабеня.

Штогод напярэдадні калядных і навагодніх святаў, у сезон распродажаў расце колькасць беларусаў, якія выязджаюць за мяжу.

Разам з тым расце і колькасць зваротаў суайчыннікаў у дыппрадстаўніцтва Беларусі за мяжой, у асноўным — па дапамогу. Паводле Аляксандра Берабені, у генконсульства Беларусі ў памежным Беластоку часцей за ўсё беларускія грамадзяне звяртаюцца з просьбай дапамагчы вярнуцца дадому.

«Здзяйсняючы ў спешцы закупы, многія беларусы губляюць пільнасць і становяцца ахвярамі кішэнных злодзеяў і нават разбойных нападаў на аўтастаянках ці на рынку, — распавёў Аляксандр Берабеня.
— Губляюць беларусы пры гэтым не толькі кашалькі, але і ўсе дакументы, у тым ліку рэгістрацыйныя на аўтамабілі, а таксама пашпарты, без якіх яны не могуць даказаць легальнасць свайго знаходжання за мяжой і перасекчы мяжу, каб вярнуцца дахаты».

У такім выпадку беларускія грамадзяне могуць звярнуцца да консула і атрымаць часовы дакумент, які засведчвае асобу і які дазваляе вярнуцца дадому.

Сярод іншых праблем беларускіх пакупнікоў у Польшчы консул адзначыў парушэнне іх правоў як спажыўцоў тавару.
«Многія нашы суайчыннікі спадзяюцца на сумленнасць гандлёвых цэнтраў і прадаўцоў і не правяраюць у крамах цэны з дапамогай счытвальных прылад.
Якое ж бывае іх здзіўленне, калі пасля выбітага ў касе чэка кошты не супадаюць з цэнамі, вывешанымі над таварам у гандлёвай зале.
Пасля набыцця тавару вельмі цяжка нешта даказаць прадаўцу, асабліва без ведання мовы і заканадаўства «, — сказаў ён.
Узнікаюць таксама праблемы з купляй дарагой бытавой і электратэхнікі.
Пасля вынасу неправеранага тавару з крамы даказаць паходжанне пашкоджанняў, расколін, драпін і некамплектнасці часцяком проста немагчыма.

Аляксандр Берабеня падкрэсліў, што ў час паездкі за мяжу трэба быць асцярожнымі і ўважлівымі, не трымаць кашалькі і дакументы ў адным месцы.

Не перашкодзіць мець пры сабе ксеракопію пашпарта.

Варта таксама звяртаць увагу на цэны, вывешаныя над таварам, па магчымасці сканаваць іх адмыслова вывешанымі для гэтага ў гандлёвых залах прыладамі перад пакупкай, а таксама правяраць дарагую электратэхніку на месцы ў прысутнасці прадстаўнікоў крамы.

0
Дзяніс / Адказаць
29.11.2012 / 17:01
Слова кашалёк ужо зусім выціснула добры беларускі адпаведнік гаманец, НН уся надзея на вас, будзьце пільнымі.
0
усе любяць тэска / Адказаць
29.11.2012 / 17:14
Мабыць сп. Берабеня выпрабаваў набыцьцё дарагой электратэхнікі на сябе.
0
наталліія / Адказаць
29.11.2012 / 18:21
Надо это консульство привлечь за распространение клеветы. Падобное о чём написано КЛЕВЕТА. Белорусы не верьте.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру