04.05.2007 / 08:03

У Барысаве згадвалі галодны бунт 1933-га 7

У Барысаве ў чацьвер адзначылі 74-я ўгодкі галоднага бунту. 3 траўня 1933 году галодныя жанчыны і дзецi выйшлi на вулiцы Барысаву і запатрабавалі ад тагачасных уладаў хлеба.

У Барысаве ў чацьвер адзначылі 74‑я ўгодкі галоднага бунту. 3 траўня 1933 году галодныя жанчыны і дзецi выйшлi на вулiцы Барысаву і запатрабавалі ад тагачасных уладаў хлеба. Да iх далучылiся работнiкi мясцовай запалкавай фабрыкi «Бярэзiна», якія абвясьцілі страйк.

Ноччу з 3 на 4 траўня супрацоўнікі НКУС арыштавалі каля 1400 барысаўчанаў, што ўдзельнічалі ў бунце. 200 чалавек расстралялі.

Расстрэл адбыўся ў мясцовасьці, якую ў Барысаве завуць «Батарэі». Як паведаміла «Свабодзе» праваабаронца Марына Статкевіч, увечары там сабраліся мясцовыя актывісты дэмакратычнага руху, якія правялі талаку па ўборцы месца масавага зьнішчэньня мірных барысаўчанаў.

Ушанаваць памяць ахвяр палітычных рэпрэсіяў прыяжджалі у Барысаў і грамадзкія дзеячы зь Менску, сярод якіх пісьменьнік Васіль Якавенка, гісторык Ігар Кузьняцоў, палітык Вячаслаў Сіўчык, лідэр прадпрымальнікаў Аляксандр Макаеў.

Міхал Стэльмах, Радыё Свабода

0
Барысаўчук / Адказаць
04.05.2007 / 08:52
І тут статкевіч улезла. У Барысаве не знайшлося іншых людзей, акрамя "праваабаронцы" статкевіч, каб паведаміць пра акцыю...
0
Istota / Адказаць
04.05.2007 / 09:14
Чаму пра гэта ў НН не абвясьціць пазаўчора? Я б таксама з*ездзіў.
0
Барысаўчук 2 Istota / Адказаць
04.05.2007 / 09:49
Кансьпірацыя :)
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру