04.05.2007 / 10:10

Латвія ўзьняла кошты для беларусаў у сем разоў

Раней яна меркавала ўзяць зь Беларусі ў сем разоў меней грошай за ліквідацыю наступстваў аварыі на нафтаправодзе «Унеча — Вэнтсьпілс».

Міністар навакольнага асяродзьдзя Райманд Вэёніс у інтэрвію перадачы Раніца.LV тэлеканала LTV7 заявіў, што цягам тыдня Латвія плянуе вызначыцца з памерам кампэнсацыі, якую б хацела атрымаць ад Беларусі ў сувязі з выцекам нафтапрадуктаў у Даўгаву (Дзьвіну).

«На гэты момант агульны ўрон ня вызначаны, гэта будзе скончана 8 траўня», — заявіў Вэёніс. — Агульны ўрон складае прыкладна $5 000 000 — гэта ўключае ў сябе ўрон прыроды і ўсе нашыя затраты, якія пайшлі на тое, каб сабраць усе нафтапрадукты, што трапілі ў Латвию».

Нагадаем, што аварыя на нафтаправодзе Унеча — Вэнтсьпілс адбылася 23 сакавіка ў Бешанковіцкім раёне, адкуль адбыўся выцек каля 100 тонаў дызпаліва. Яно патрапіла ў раку Улу — прыток Дзьвіны, а адтуль у Дзьвіну.

18 красавіка Райманд Вэйніс ацэньваў урон у 700 тыс. даляраў.

Ул. інф., паводле латвійскае прэсы

Каб пакінуць каментар, калі ласка, актывуйце JavaScript у наладах свайго браўзеру