04.05.2007 / 20:57

У Горадні разбураюць будынак ХVIII стагодзьдзя 13

У Горадні пачалі ламаць дах будынка ХVШ стагодзьдзя, які ўваходзіў у палацавы комплекс каралеўскага адміністратара ў былым прадмесьці Гарадніца, збудаваным Антоніем Тызэнгаўзам.

Да нашага часу захаваліся ўсе тры камяніцы комплексу — улучна з самім палацам, які быў перабудаваны ў ХІХ стагодзьдзі. Цяпер ён аддадзены праваслаўнай япархіі, у адным мураваным флігелі — кватэры сьвятароў, а другі вырашана зьнішчыць. Праўда, улады патлумачылі, што сьцены будуць разабраныя толькі часткова, і камяніцу перабудуюць ў царкву на 500 чалавек.

Карэспандэнт «Свабоды» наведаў месца падзеі, і рабочыя яму патлумачылі: падмуркі флігеля вельмі слабыя, збудаваць на іх царкву нерэальна. Паводле рабочых, калі яны закончаць з дахам, іншая брыгада цалкам разбурыць цагляныя сьцены.

Паводле «Збору помнікаў Беларусі», «характар першапачатковай архітэктуры часткова захаваўся ў паўночным флігелі, фасады якога крапаваны арачнымі нішамі». Менавіта гэты флігель і пачалі зьнішчаць.

Сяргей Астраўцоў, Радыё Свабода

0
Michal Zaleski / Адказаць
04.05.2007 / 22:31
Нет нічего слюнявее і плюгавее Чем русское безбожіе і православіе К.Прутков
0
Харэўскі / Адказаць
05.05.2007 / 09:28
Ну, што, таварышы, ці ёсьць яшчэ пра што размаўяляць з "абламскімі-чарняўскімі"? Хто яшчэ не разумее, што гэтая практыка -- плянаванае й пасьлядоўнае вынішчэньне ўсяго беларускага, усяго несавецкага ў нашай краіне? Гэта частка таго ж пляну па разбурэньні нашае ідэнтычнасьці, што была запачаткаваная 200 гадоў таму, правводзілася ў 1930-1970-я й дасягула свайго апагею ў наш час. Гісторыя змаганьня за Горадню -- прыклад прынцыповае немагчымасьці наладзіць з чванлівым і непісьменным чынавенствам, у якіх сэрцы пазарасталі шэрсьцю, канструктыўны й негвалтоўны дыялёг. Адзіны плён адчайнага змаганьня за старасьвеччыну, у апошнія гады -- гэта сьцверджаньне нашае субхектансьці. Ніхто не скажа "а ўсе маўчалі". Не маўчалі! І рабілі ўсё магчымае! Выглядае, усе да рэшты спосабы вычарпаныя... Давесьці рацыю ці дагрукацца да сумленьня дзяржаўных "ахоўнікаў" і "рэстаўратараў" -- усё адно, што пераканаць Лукашэнку...
0
pan Brudas / Адказаць
05.05.2007 / 23:39
Адстрэльваць трэба, або пачынаць перасяляць у адстаючыя калгасы. Пра баброў пішуць, што яны шмат шкоды прыносяць, але антыбеларускае чынавенства прыносіць (і прынясе...) шкоды столькі, што даўно трэба пачынаць зьмяншаць іх колькасьць...
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру