10.05.2007 / 13:28

У Чачэрскім раёне ўпаў лёгкаматорны самалёт

Каля вёскі Крутое самалёт зачапіў высакавольтную лінію перадачы, торкнуўся насавой часткай у поле і перакуліўся.

У Чачэрскім раёне (Гомельская вобласць) упаў лёгкаматорны самалёт, які праводзіў хімічную праполку пасеваў.

Як паведамілі БелаПАН у прэс‑службе гомельскага абласнога ўпраўлення МНС, днём 9 мая лёгкаматорны самалёт, што належыць «Гомельхімсэрвіс», працаваў каля вёскі Крутое Чачэрскага раёна. Апарат зачапіў высакавольтную лінію перадачы, торкнуўся насавой часткай у поле і перакуліўся. Пілот з ударамі і рванымі ранамі твару дастаўлены ў бальніцу.

Каб пакінуць каментар, калі ласка, актывуйце JavaScript у наладах свайго браўзеру