26 траўня ў Менску пройдзе VI Адкрыты чэмпіянат Беларусі па спартыўнай саўне «Шчодры жар».
Шосты адкрыты чэмпіянат Беларусі па спартыўнай сауне «Шчодры жар» пройдзе 26 мая ў Мінску. Пра гэта 15 мая паведаміў журналістам намеснік начальніка ўпраўлення фізічнай культуры Міністэрства спорту і турызму Беларусі Анатоль Барышаў.
Паводле яго слоў, да ўдзелу ў спаборніцтвах дапускаюцца ўсе жадаючыя старэйшыя за 18 год са стажам парання ў саунах і рускіх лазнях не меншым за пяць гадоў. А.Барышаў падкрэсліў, што для ўдзелу ў чэмпіянаце неабходны дазвол урача па стане здароўя.
У сваю чаргу галоўны суддзя спаборніцтваў, намеснік старшыні федэрацыі па спартыўнай сауне «Шчодры жар» Віктар Зелянко паведаміў, што па выніках спаборніцтваў будзе вызначаны склад зборнай каманды Беларусі для ўдзелу ў Чэмпіянаце свету 2007 года ў Фінляндыі.
В.Зелянко зазначыў, што парыльшчыкі Беларусі з’яўляюцца лідэрамі па спартыўнай сауне сярод краін СНД і на працягу пяці гадоў займаюць другое агульнакаманднае месца на чэмпіянатах свету.
Заяўкі на ўдзел у спаборніцтвах прымаюцца да 20 мая.