18.05.2007 / 11:57

Міліцыя разагнала флэш-моб у Горадні 3

17 траўня ў Горадні мусіў адбыцца флэш-моб на знак пратэсту супраць высяканьня дрэваў у розных раёнах гораду.

17 траўня ў Горадні мусіў адбыцца флэш-моб на знак пратэсту супраць высяканьня дрэваў у розных раёнах гораду. У прыватнасьці побач з гарадзкой радзільняй №1 днём раней была высечаная большасьць дрэваў. На гарадзенскім блогу зьявіўся заклік зладзіць у цэнтры гораду 15-ці хвілінную акцыю — выйсьці на вуліцы з плякатамі «Я дрэва. Сьсячыце мяне».

Як высьветлілася, міліцыя таксама цікавіцца інтэрнэтам — у вызначаны час маладых людзей чакалі супрацоўнікі ў форме, у цывільным і з відэакамэрай. Як паведамляе Гарадзенскі блог, мерапрыемства расцанілі як несанкцыяваную акцыю і пікет. Ва ўдзельнікаў акцыі перапісалі дадзеныя, аднаго чалавека затрымалі, але пасьля высьвятленьня асобы адпусьцілі.

Сямён Печанко

0
удзельнік / Адказаць
18.05.2007 / 12:03
Фактычна праз міліцыю і КДБ флэш-моб пераўтварыўсю ў адкрытую акцыю. Пасля перапісвання дадзеных актывісты з шыльдамі ў руках "Я дрэва - ссячыце мяне" цягам 15-хвілінаў "шпацыравалі" па Савецкай плошчы, а пасля прайшліся па вуліцы Савецкай. Так што разагналі ня ўсіх :)
0
пытаньне? / Адказаць
18.05.2007 / 14:04
што чуваць пра разагнаную сустрэчу палякаў у магілёве?
0
джынджэр / Адказаць
20.05.2007 / 12:19
дакладна зараз у Гародни таксама лажа адбываецца - "заминавали" будынак, дзе праходзиць сход з Милинкевичам а учора тутай быу канцэрт для "забеларусау" - усе аражаньни ад цудоунага гораду папсавали
Каб пакінуць каментар, калі ласка, актывуйце JavaScript у наладах свайго браўзеру