29.05.2007 / 19:37

Як Мірны над Парыжам 1

У Парыжы стартаваў славуты «Ралян Гарос» — Адкрыты чэмпіянат Францыі па тэнісе.

У сталіцы Францыі стартаваў славуты «Ралян Гарос» — Адкрыты чэмпіянат Францыі па тэнісе, які зьяўляецца другім этапам розыгрышу Вялікага Шлему.

Першая ракетка Беларусі Макс Мірны прайграў у першым крузе аўстралійцу Лейтану Х’юіту ў трох сэтах — 3:6, 1:6, 3:6. Аўстраліец мае 16‑е месца ў рэйтынгу, Мірны — 54‑е.

Выбыла сёньня з адзіночнага разраду і Настасься Якімава. Яна ў першым крузе саступіла францужанцы Стэфані Каэн‑Аляро — 6:7, 1:6. Гэты матч пачаўся ў панядзелак, але быў перанесены на сёньня праз парыскія дажджы.

У першым крузе турніру Вікторыя Азаранка згуляе зь італьянкай Карын Кнап, Тацяна Пучак зь Юліяй Фядосавай (Францыя).

У парным разрадзе Максім Мірны ў пары са швэдам Ёнасам Б’ёркманам згуляюць з італьянска‑аргентынскай парай — Сімоне Балельлі / Хуан Марцін дэль Потра.

Між іншым, летась і пазалетась Мірны і Б’ёркман першынствавалі на «Ралян Гарос».

0
Napalm / Адказаць
29.05.2007 / 20:37
Прапаную ''Як Мілінкевіч над ДК МАЗа''. Непрыгожа гэта смяяцца над чужымі паразамі, зларадства штолі? Тым больш што Мірны славы Беларусі прынес не меньш за Мілінкевіча
Каб пакінуць каментар, калі ласка, актывуйце JavaScript у наладах свайго браўзеру