04.06.2007 / 09:56

Улады не аддаюць кляштар 20

Міхаіл Паўлаў: «Мы так вырашылі, мы — ўлада, нам трэба карміць людзей».

Абаронцы кляштарнага комплексу XVII ст. Івона Мацукевіч і Ганна Сіўчык сустрэліся са старшынём Менгарвыканкаму Міхаілам Паўлавым. На сустрэчы актывісткі ад імя вернікаў спрабавалі даведацца пра лёс кляштара і касьцёла бэрнардынаў, якія ўлады плянуюць перабудаваць пад гасьцінічны комплекс.

Паводле слоў І.Мацукевіч, на сустрэчы Міхаіл Паўлаў заявіў, што «яны — улада і яны вырашаюць, што будуць будаваць і як будуць выкарыстоўваць той ці іншы будынак». Кіраўнік Менгарвыканкаму пацьвердзіў ранейшыя пляны перабудовы кляштару пад гандлёва‑бытавы і гасьцінічны комплексы.

На пытаньне пра лёс касьцёлу Паўлаў адказаў, што будынак храму будзе перададзены ў камунальную ўласнасьць і прыстасаваны пад аб’ект культурна‑бытавога прызначэньня. Разам з гэтым, Паўлаў запэўніў, што будынак касьцёлу ня будзе «зьняслаўлены».

Падчас гутаркі Міхаіл Паўлаў спаслаўся на экспэртызу будынкаў, праведзеную Міністэрствам культуры, якая ня выявіла ў іх «нічога сьвятога».

— Калі мы папрасілі яшчэ раз падумаць, мэр сказаў, што «Мы так вырашылі, мы — ўлада, нам трэба карміць людзей», — кажа Івона Мацукевіч.

***

Тым часам, паводле зьвестак БелаПАН, у абарону гістарычнай спадчыны на Кірылы і Мяфодзія сабрана каля 20 тысяч подпісаў.

Праз абшчыну сьвятога Язэпа прайшло 10.126 подпісаў, адрасаваных Адміністрацыі прэзідэнта. «Прыкладна такая ж колькасць подпісаў была сабрана ў розных гарадах краіны і накіравана кіраўніку дзяржавы, мінуючы нашу абшчыну», — зазначыла І.Мацукевіч.

Паводле: Вадзім І., help.ratz.ru

Хочаш падзяліцца важнай інфармацыяй ананімна і канфідэнцыйна?

0
pan Brudas / Адказаць
04.06.2007 / 11:03
Каб не гэткая слаўная дыяганаль, дык сапраўды папухлі б з голаду - як той Казулін. Трэба тэрмінова пераводзіць найлепшых "мэраў" і " губернатараў" у калёніі і турмы - каб яны і там не далі людзям галадаць.
0
Chalawek / Адказаць
04.06.2007 / 12:07
Незразумела, чаму маўчыць Каталіцкі касцел. Ніводнага разу не прагучала аніякай яго афіцыйнай пазіцыі аб Бернардзінскім Кляштары. Няўжо старшыня Касцела на Беларусі ня можа папрасіць аб аудыенцыі ў адпаведных структур. Улады проста ня змогуць больш ствараць ілюзію, што нічога не адбываецца і ўсе добра.
0
Кастусь / Адказаць
04.06.2007 / 12:56
У касьцёльных уладаў свой інтарэс: калі ёсьць магчымасьць атрымаць дазвол на пабудову новых касьцёлаў у перыферыі, ці змагацца за старадаўні касьцёл у цэнтры, яны відавочна выбіраюць першае. Калі прасіць і першае і другое, дык баюцца не атрымаць анічога.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру