МАРТЫРАЛЁГ
УДЗЕЛЬНIКАЎ БЕЛАРУСКАЙ НАРОДНАЙ ПАРТЫЗАНКI 1942-1948 ГАДОЎ
АЛЬШЭЎСКI Ўладзiмер, сувязны Беларускай Народнай Партызанкi, забiты чэкiстамi.
БЯКЕТА, камандзiр атрада, загiнуў каля Белiцы (Лiдчына) у баi з польскiмi акоўцамi.
БЯЛЕЙКА, камандзiр атрада на Палесьсi, лёс невядомы.
БОКАН, камандзiр атрада, забiты чэкiстамi разам са сваiм намесьнiкам.
ВIР Васiль, сябра Грамады i палiтычнага кiраўнiцтва БНПартызанкi, з 1943-га — вязень фашыстоўскiх канцлягераў, памёр (?) у Канадзе.
ГАРЫВАДА, партызан, памёр на чужыне.
ГУК Кастун, ад’ютант атамана Харэўскага, загiнуў у Бразылii ў красавiку 1968 г.
ГУКАЛЮК Сьцяпан, партызан, памёр у Бразылii.
ГУЧОК, партызан, памёр у Парагваi.
ДЗЕРВАЕД, сябра нелегальнай Грамады на Пiншчыне. Загiнуў у СД.
ДУБРОВА, камандзiр атрада на Пiншчыне, дзейнiчаў i ў пасьляваенны час, далейшы лёс невядомы.
IГНАТАЎ, партызан, памёр у Аргентыне.
КАВАЛЁЎ, камандзiр атрада, былы капiтан савецкай армii, загiнуў падчас рэйду яго аддзела ва усходнюю Беларусь у баi з чэкiстамi.
КАНСТАНЧУК, былы дзеяч КПЗБ, камандзiр беларускае партызанкi ў Белавескай пушчы, загiнуў пры нявысьветленых абставiнах.
КУЛАК, партызан, памёр у Аргентыне.
КУРЭЦ, партызан, памёр у Парагваi.
КАРПОВIЧ, партызан, памёр (?) на чужыне.
ЛЯВОН, камандзiр атрада на Слонiмшчыне, лёс невядомы.
ЛЯСЬНIК Iван, камандзiр атрада на Пiншчыне, загiнуў у баi з савецкiмi партызанамi.
МIНIЧ (ХОМIЧ), камандзiр атрада на Палесьсi, лёс невядомы.
МIРОН, камандзiр атрада, лёс невядомы.
ПАТРУБЕЙКА, камандзiр атрада на Палесьсi, загiнуў ад чэкiсцкай кулi.
ПЕРАВАЛОЦКI, партызан, памёр у Аргентыне.
ПЕРАГУД Iван, камандзiр атрада на Палесьсi, у 1945 г. перакiнуў свой атрад у Польшчу, дзе дзейнiчаў да канца 1946-га. Памёр на эмiграцыi ў 1984 г. Напiсаў успамiны “Партызанская дзейнасьць” (неапублiкаваныя).
ПIГУЛЕЎСКI Язэп, партызан атрада iмя Нябабы, памёр у 1984 г. у Парагваi (паходзiў са Столiншчыны).
САКОВIЧ Юльян, кiраўнiк БНГ, iнiцыятар стварэньня Беларускае Народнае Партызанкi. Забiты польскiмi акоўцамi ў 1943 г.
СIЛIВОНЧЫК, партызан, памёр на чужыне.
СIЛЮК Язэп, партызан, памёр на чужыне.
СКРУНДЗЬ Мiкалай (“Ваўкалак”), ад’ютант палкоўнiка I.Шанько. Памёр у 1968 г. у Парагваi.
СТАСЕВIЧ Юрка, сябра БНГ i палiтычнага кiраўнiцтва Беларускае Народнае Партызанкi. Знаходзiўся ў аддзеле атамана Таўпекi, быў цяжка паранены ў баi з чэкiстамi. Пасьля вайны жыў у ЗША, аўтар некалькiх артыкулаў пра гiсторыю нацыянальнага партызанскага руху ў гады другой сусьветнай вайны ў “Беларускiм Голасе”. Памёр у 1984 г.
СТРУК, партызан, памёр на чужыне.
СУВОЙ, партызан, памёр у Парагваi.
СУВОРЫ, камандзiр атрада на Пiншчыне, забiты чэкiстамi.
ТАМАШЭВIЧ, партызан, жыў у Балiвii.
ТАЎПЕКА Язэп, камандзiр атрада на Гарадзеншчыне, пасьля цяжкiх баёў з савецкiмi партызанамi й чэкiстамi адвёў свой атрад у Аўгустоўскую пушчу. Памёр на эмiграцыi.
ХАРЭЎСКI (НОВIК) Якуб, камандзiр атрада iмя Нябабы, загiнуў у 1968 г. у Бразылii.
ХМАРА Сяргей, сябра БНГ i палiтычнага кiраўнiцтва народнае партызанкi. Памёр у Канадзе ў 1992 г.
ЦАРУК, партызан, памёр у Балiвii.
ШАЛАМЮК, сябра Грамады. Загiнуў у Пiнскiм СД.
ШАНЬКО Iван, палкоўнiк, камандзiр Беларускай Народнай Партызанкi, былы лейтэнант савецкага войска, у 1943 г. забiты падчас перамоваў палкоўнiкам-дывэрсантам Лiньковым.
Гэты сьпiс ня поўны, бо ў шэрагах Беларускай Народнай Партызанкi ваявалi тысячы патрыётаў Бацькаўшчыны. Спадзяюся, што з часам удасца аднавiць iмёны ўсiх герояў-партызанаў i падпольшчыкаў.
С.Ё.
