БІБЛІЯТЭКА
Новыя кнігі, дасланыя ў рэдакцыю
Памяць: Гiстарычна-дакумэнтальная кронiка гораду Гораднi; Рэдакцыйная калегiя: Г.Пашкоў, Я. Жарбун, І.Крэнь ды iнш.; Мастак Э.Жакевiч. — Менск: Беларуская энцыкляпэдыя, 1999. — 712 с.: iл. — Наклад 6000 ас. ISBN 985-11-01-0147-8
«Памяць» пра Горадню на сямсот з гакам бачынаў прадаецца ўсяго за 390 руб., але значная частка кнiгi прысьвечаная «героям сацыялiстычнае працы» й бальшавiцкiм дзеячам. У апiсаньнi падзеяў пачатку 1920-х амаль нiчога няма пра беларускi нацыянальны рух i чыннасьць ураду БНР, але актыўна выкарыстоўваецца савецкая тэрмiналёгiя, як прыкладам гэта: «У прадбачаньнi немiнучага краху фашысцкае Нямеччыны на пачатку 1945 г. многiя з нацыяналiстаў пачалi шукаць сабе новых гаспадароў». Нягледзячы на гэтыя заганы, кнiга будзе цiкавая аматарам гарадзенскай даўнiны.
Фрагмэнты фiлязофii, культуралёгii, лiтаратуры. № 1-2, 1999. — Львоў: Гердан, 1999. — 302 с. — Наклад 890 ас.
У новым нумары «Фрагмэнтаў» друкуюцца новыя тэксты Ігара Бабкова, Алеся Анціпенкі, Валянціна Акудовіча, Паўла Баркоўскага, Аксаны Забужкі, Маркі Паўлышына, Аляксандра К’ёсэва ды іншых беларускіх і замежных інтэлектуалаў.
Выборы: подлинные, свободные и справедливые/ С.Альфэр, І.Бугрова, А.Вашкевiч ды iнш. — Менск: Тэсэй, 1999. — 328 с. — Наклад 2000 ас. ISBN 985-6454-67-0
Выкладзены навукова-прававы камэнтар свабодных i справядлiвых выбараў, выбарчага права Беларусi ў параўнаньнi зь iншымi краiнамi, а гэтаксама парады для практычнага ажыцьцяўленьня выбарчых кампанiяў.
В.Ярмалiнская. “Брава, Вiктар!..”: Нарыс жыцьця й творчасьцi народнага артыста СССР, актора Нацыянальнага акадэмiчнага тэатру iмя Я.Купалы, В.Тарасава. — Менск: Мастацкая лiтаратура: Фiлсэрва плюс, 1999. — 96 с. — (Зоркi беларускага тэатру). — Наклад 500 ас. ISBN 985-6489-05-9 ISBN 982-02-0375-7
П.Саковiч. Мiлавiца: Вершы. — Менск: Мастацкая лiтаратура, 1999. — 63 с. — Наклад 1500 ас. ISBN 985-02-0272-6
В.Глушаков. Вызов времени: Беларусь на пороге тысячелетий. — Менск: Белбiзнэспрэс, 1999. — 224 с. — Наклад 1000 ас. ISBN 985-6471-23-0
З.Яцкевiч. Радавод Максiма Багдановiча. — Менск: Беларускi кнiгазбор, 1999. — 32 с. — Наклад 1000 ас. ISBN 985-6318-62-9
К.Леандоэр. Вершы для Эльзы: Паэзiя/ Пераклад з швэдзкае Р.Барадулiна. — Менск: РЛМФ “Гронка”, 1999. — 141 с. — Наклад 1000 ас. ISBN 985-6556-02-3
Г.Чарказян. Шамдзiн: Навэлы, лiрыка/ Пераклад з курдзкае Р.Барадулiна. — Менск: Мастацкая лiтаратура, 1998. — 381 с. — Наклад 1200 ас. ISBN 985-02-0216-5
Беларуская мэмуарыстыка на эміграцыі/ Укладальнік Л.Юрэвіч. — Нью-Ёрк: БІНІМ, 1999. — 361 с. — (Беларускія паэты й пісьменьнікі).
“Успаміны спадарожнічаюць чалавеку ўсё жыцьцё, на чужыне — тым больш”, — гэтак пачынае збор беларускае мэмуарыстыкі Лявон Юрэвіч. У кнізе, паміж іншых, зьмешчаныя ўспаміны, жыцьцяпісы й аўтабіяграфіі гэткіх слынных дзеячоў беларускае дыяспары, як Юрка Віцьбіч, Мікола Равенскі, Натальля Арсеньнева, Канстанцін Езавітаў, айцец Леў Гарошка.
Запісы Беларускага інстытуту навукі й мастацтва: Выпуск 23. — Нью-Ёрк: БІНІМ, 1999. — 180 с.
У гэтым нумары рэпрэзэнтаваныя дасьледзіны “ЗША й эміграцыйная тэматыка ў публіцыстыцы й паэзіі “Нашае Нівы”, “Праблемы расейскае нацыянальнае сьведамасьці ў Беларусі к. ХІХ — пач. ХХ ст.” ды іншыя матар’ялы. Упершыню друкуецца апавяданьне Васіля Быкава “Эквівалент”.
Д.Карчынскі. Війна в натовпі. — Кіеў: Амадей, 1999. — 384 с. — Наклад 10000 ас. ISBN 966-95281-5-1
Бяз патасу й прыўкрас аўтар, славуты сваім удзелам у “Чарнобыльскім шляху” 1996 году, распавядае пра баявыя дзеяньні ў Прыднястроўі, Абхазіі, Чачэніі й падзеі ў Беларусі. Гэтак ён піша пра менскую палітычную вясну 1996 году: “… У нас (ва Ўкраіне — В.М.) была стабільнасьць — мярцьвечына. У тым самым часе больш спрыяльная сытуацыя складвалася ў Беларусі. Там Лукашэнка патроху ўводзіў дыктатуру. А дзе ёсьць дыктатура, там актуалізуецца рэвалюцыя. (…) Апазыцыя ў Менску рыхтавала масавыя акцыі. Я вырашыў, што мы маглі б іх радыкалізаваць. Беларусы былі гатовыя цярпець за ідэю, трэ было іх навучыць за яе змагацца”.
Кнiгi чытаў Вiктар Мухiн
