26.03.2000 / 13:00

Славамір Адамовіч. МАРШУ СВАБОДЫ–2000

№ 12 (169), 20 — 26 сакавіка 2000 г.


 

Славамір АДАМОВІЧ

МАРШУ СВАБОДЫ–2000

 

Марш, марш-2000,
рукі ў замок,
воляю трызьнячы,
мераем крок.

Юныя, моцныя
цягліцы плеч.
Мы паўнамоцныя,
іншыя — прэч!

Воды расталыя,
вецер з Дняпра.
За Край паўсталыя
крыкнем: «Ура!»

Мокра на дворышчах,
сьветла ў душы,
ворагаў зборышчы
сьмела крышы!

Гэй жа, зьвязовы,
хутчэй засьпявай
нашу маршовую
за Родны Край!


Каб пакінуць каментар, калі ласка, актывуйце JavaScript у наладах свайго браўзеру