Затрыманьні за тыдзень
22 кастрычніка ў Менску схапілі Андрэя Чырца, які раздаваў незалежныя выданьні каля станцыі мэтро “Усход”.
24-га ля ўнівэрсаму «Віцебск» затрымалі сябра кіраўніцтва Кансэрватыўна-Хрысьціянскай партыі БНФ Уладзімера Юха, які раздаваў улёткі аб «Дзядах». У Бабруйску бацька і сын Шчатко (абодва — Уладзімеры) былі затрыманы 12 кастрычніка за раздачу газэты «Рабочы», прысьвечанай байкоту выбараў. 27 кастрычніка адбыўся суд, які пастанавіў аштрафаваць кожнага на 10 тыс.руб. 24 кастрычніка міліцыянты затрымалі сяброў Кансэрватыўна-Хрысьціянскай Партыі БНФ Галіну Дзягілеву, Алену Ждановіч і зноў У.Юха. Уладзімера Кішкурну і Жанну Холусеву затрымалі каля заводу “Гарызонт”, калі тыя раздавалі газэту “Наша Свабода”. Уладзімер Кішкурна адмовіўся сесьці ў міліцэйскую машыну і паехаў у пастарунак на сваім “Фольксвагене”, узяўшы у салён аднаго з супрацоўнікаў міліцыі. У Цэнтральным РАУСе У.Кішкурна здолеў пераканаць міліцыянтаў, што раздача зарэгістраванай газэты — не правапарушэньне. Ж.Холусеву і У.Кішкурну адпусьцілі, газэты ім вярнулі, апрача аднаго асобніка, які супрацоўнікі міліцыі ўзялі пачытаць.
29 кастрычніка на “Дзяды” ў Магілёве на кароткі час былі затрыманыя Андрусь Кавалёў і Сяргей Гіркін.
Паводле інфармацыі “Вясны-96”
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары