Водгукі
Праспэкт Геніюш
У “НН” за 13 лістапада сёлета спадар Гайшун зь Менску прапанаваў увекавечыць памяць Ф.Багушэвіча і М.Ермаловіча, назваўшы іх імёнамі праспэкты ў цэнтры Менску. Безумоўна, гэтыя людзі заслужаныя, з чым пагодзіцца кожны сапраўдны беларус. На маю думку, нельга абысьці і імя Ларысы Геніюш. Пасьля выхаду ў сьвет найбольш важкіх выбраных твораў выдатнай паэткі, якія падрыхтаваў Міхась Скобла, стала зразумела, што яе геній роўны генію Ф.Скарыны. І за тое, як любіла сваю Бацькаўшчыну, сваю Беларусь, праспэкт яе імя павінен быць ня толькі ў Менску. А яе помнік мусіць стаяць побач з помнікам Ф.Скарыну каля нацыянальнай Акадэміі навук. Упэўнены, што тут заўсёды будуць кветкі.
А.Чач, Менск
Прайду на Сатанінскую, ды збочу на Дзяржынскага
У “НН” за 8 лістапада абмяркоўваецца савецкая тапаніміка Менску. Яшчэ Ленін слушна заўважыў, што: “Выходцы из инородцев всегда перебарщивают по части истинно русских настроений”. Згаданы ў артыкуле С.Паўлоўскага іншародзец Станіславас Ваўпшас настолькі “перабаршчыў”, што, напэўна, нават паплечнікі-камуністы жахаліся ягоных “подзьвігаў”. Таму й надалі гэтае імя вуліцы, заціснутай паміж Трактарным ды Маторным заводамі.
Калі праяжджаеш па ёй, асабліва ўлетку, дык адразу пачынаеш задыхацца ад невыноснага паху Сатаны – смалы, серы ды іншага смуроду. А жылых дамоў на гэтай вуліцы, здаецца, няма – пекла й ёсьць пекла.
В.Васілёнак, Менск
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары