02.04.2001 / 13:00

МіГі і мафія

№ 13 (222), 26 сакавіка — 2 красавіка 2001 г.


 МіГі і мафія

Cкандалы вакол былых беларускіх узбраеньняў, прададзеных у краіны Афрыкі ды Лацінскае Амэрыкі, сталі звычайнай справай.

 

Пэруанскі кангрэс дасьледуе факты карупцыі ў атачэньні былога прэзыдэнта, ці не найбуйнейшым зь якіх лічыцца набыцьцё МіГаў у Беларусі, на якой карумпаваныя структуры “наварылі” пад сотню мільёнаў даляраў. Адзін зь МіГаў разьбіўся на мінулым тыдні ў Пэру.

Паводле словаў падпалкоўніка ўгандыйскае арміі Фінэаса Катырымы, праверка самалётаў МіГ-21 ладзіцца з дапамогаю замежных інструктараў, чыё грамадзянства трымаюць у таямніцы. Іншыя крыніцы сьцьвярджаюць, што зробленыя ў Расеі ды прададзеныя Беларусяй у 1998 г. чатыры МіГі былі нядаўна мадыфікаваныя ў Ізраілі. Летась групу ўгандыйскіх пілётаў накіравалі ў Ізраіль, каб яны навучыліся лётаць на МіГах.

Пэруанцам жа МіГі прадавалі праз грамадзяніна Ізраілю Мошэ Ротшыльда, што стала жыве ў Пэру ды працуе прадстаўніком фірмы «Мабэтэк Рэпрэсэнтасьёнэс», якая займаецца перапродажам узбраеньняў і, паводле зьвестак італійскае газэты La Repubblica, зьвязаная зь «Лімскім картэлем» ды іншымі структурамі пэруанскае наркамафіі.

Паводле Радыё Свабода


Каб пакінуць каментар, калі ласка, актывуйце JavaScript у наладах свайго браўзеру