Паштовая скрынка
Аляксандру У. з Гомеля. Пра Анжэлу і мінэт – сярод гэткага апавяданьня выпіналася б і глядзелася б ненатуральна. Парушылася б цэльнасьць настрою.
Што да кнігі Пазьняка: пытайцеся ў сяброў КХП-БНФ. Яны быццам бы толькі сваім раздаюць. У спэкулянтаў – 10 даляраў.
Што да сп-ні Нат. Б.: адрэсаў не даем, зьмясьціце бясплатную або платную абвестку.
Валер’ю Г. з Масквы. У допісе многа сумбуру і гарачкі. Чаму выказваньні Ад. Г. Вам падаліся снабізмамі?
Сержуку Ц. зь Менску. Прадаецца ў цэнтральных кнігарнях Менску, на сядзібах ТБМ і БНФ, а найтаньней – у выдавецтве “Беларускі кнігазбор” (т. 220-70-27).
Івану зь Менску. Ахвяруючы, памнажаеце. Падпішэцеся.
Аляксею Ш. зь Менску. Мы стаім на іншых ідэйных пазыцыях, чым некаторыя з тых, каго Вы не без замілаваньня апісваеце. Але спэцыяльны нумар газэты рэальны, калі Вы таксама ўпражэцеся яго рыхтаваць. Акрамя таго, рыхтуецца нумар “Arche” “Нацыяналізм і нігілізм”, які часткова спатоліць Вашу прагу.
Янку М. зь Менску. Дай Вам Бог акрыяць. А артыкул перашліце ў “Народную Волю”.
Ві-ку з Жупранаў. У цяперашнім выглядзе надрукаваць Ваш матэрыял ня можам. Чакаем абяцанага працягу. Надалей хацелася б бачыць у Вашых тэкстах меней агульнавядомых рэчаў абстрактна-патрыятычнага зьместу. Паспрабуйце перарабіць тое самае, абышоўшыся бязь іх.
