"НН" 10 гадоў
Шаноўныя калегi!
Ад усяго сэрца вiншую вас з нашым супольным святам — 95-годзьдзем “Нашай Нiвы”, зь якой пачалася сапраўдная беларуская прэса. Дазвольце лiчыць i нас вашымi дзецьмi ў гэтым сэнсе. “Рэгiянальная газета“ была, ёсьць i будзе верная беларускасьцi заўжды. Прыклад служэньня нацыянальнай iдэi дала менавiта “Наша Нiва“ ў змрочныя часы расейскага прыгнёту. Сёньня час ня шмат лягчэйшы. Але мы выжывем.
Прымiце нашыя вiншаваньнi зь 10-годзьдзем аднаўленьня “НН“.
Жыве нашая родная Бацькаўшчына-Беларусь!
Ад iмя “Рэгiянальнай газеты“ яе галоўны рэдактар і адначасова ўнук нашанiўца Якiма Пярэчкi (Флора Манцэвiча), Алесь Манцэвіч, Маладэчна
Віншую “Нашу Ніву”
зь дзесяцігодзьдзем. Заўсёды з задавальненьнем чытаў і чытаю вашую газэту. Асабліва спадабаўся Ваш апошні нумар. Посьпеху і плёну Вам у працы.
Міхась Тычына, Слуцак
Віншую!
Вельмі коратка:
“НН” — наркотык, паспытаўшы які раз, больш ня можна адмовіцца.
“НН” — выданьне, якое стварае беларусаў, робіць іх сьвядомымі.
Стварае людзей, якія не баяцца й не саромяцца звацца беларускімі імёнамі, людзей, якія любяць сваю Радзіму і родную мову, гісторыю, культуру.
Вялікі дзякуй гэтай газэце — а значыцца, усім, хто далучаецца да яе. Посьпехаў вам усім.
Зьміцер Лапцёнак, Менск
