20.06.2007 / 15:01

Пазьняк перавёў Радыё Рацыя на «наркамаўку» 115

Пазьняк: «Інтэрнэт‑праект, які робіцца «наркамаўкай» будзе больш пасьпяховы».

Прайшло некалькі тыдняў, як сайт радыё «Рацыя» перайшоў на афіцыйны правапіс, г.зв. «наркамаўку». Пачынаўся праект на «тарашкевіцы».

Зьмены тлумачыць адзін з каардынатараў праекту журналіст Кірыла Пазьняк:

«Рашэньне прымалася калегіяльна Віктарам Стахвюком, Міколам Маркевічам і мной. Мы палічылі, што інтэрнэт‑праект, які робіцца «наркамаўкай» будзе больш пасьпяховым. Гэта рабілася для таго, каб знайсьці новых чытачоў. Да ўсяго іншага адзначу, што «тарашкевіца» нашых аўтараў была вельмі стракатай і рознай, не было адзінага стандарту. У «наркамаўцы» ён ёсьць, таму зь ёй працаваць прасьцей. Хаця прызнаюся, што некаторыя аўтары пратэставалі з гэтай прычыны. Зрэшты, ніякіх праблем тут ня бачу. Чалавек, які ведае «тарашкевіцу» мусіць ведаць і «наркамаўку». Адзначу, што за гэтыя тры тыдні колькасьць нашых наведвальнікаў узрасла, хаця, мяркую, справа ня толькі ў правапісе, але і ў нашай працы».

Зьміцер Панкавец

0
Rat King / Адказаць
20.06.2007 / 15:10
Глупства, але добра аргументаванае :)
0
Войша Мілавід / Адказаць
20.06.2007 / 15:26
Глупства. Маглі б даць кожнаму свайму супрацоўніку кніжку "Клясычны правапіс - 2005"...
0
Саянаў / Адказаць
20.06.2007 / 15:28
Аргумэнтаў увогуле няма,чаго ня скажаш пра глупства.
Паказаць усе каментары/ 115 /
Каб пакінуць каментар, калі ласка, актывуйце JavaScript у наладах свайго браўзеру