З усёй краіны
Зь сіротаў будуць кадэты
Самымі адданымі ваярамі заўжды былі тыя, хто гадаваўся безь сям’і, без каранёў. Нездарма ў Сярэднявеччы татары палявалі на “ясыр” — дзяцей, якіх можна было выгадна прадаць, бо зь іх фармавалі войскі янычараў. Вайсковая кар’ера — добрая магчымасьць жыцьцёвага шляху для дзяцей-сіротаў. Таму нядаўна на базе Магілёўскага пэдагагічнага каледжу была створана абласная кадэцкая школа-інтэрнат для дзяцей-сіротаў.
Разьлічаная яна на 120 чалавек, што будуць навучацца ў 6 клясах. Да 1 верасьня школа будзе ўкамплектаваная ўсім неабходным для пачатку школьных заняткаў і пражыцьця. Кадэты атрымаюць спэцыяльную вайсковую форму, што ўжо вырабляецца на магілёўскіх фабрыках. Разам з агульнаадукацыйнымі прадметамі ў школе будуць вывучаць зброю, тэхніку, тактыку, баявыя прыёмы нападу і самаабароны, гісторыю ваеннага мастацтва і г.д. У часе вакацыяў плянуюцца стажаваньні ў вайсковых часьцях, турпаходы, вайсковыя гульні. Выхавацелямі ў школе-інтэрнаце будуць працаваць адстаўнікі.
А.А., Магілёў
Snarady ū Myšancy
Žychar Baranavič znajšoū u rečcy Myšancy avijacyjny reaktyūny snarad “pavietra—ziamla”. Kab nichto časam nie padarvaūsia, mužčyna pieravioz jaho na ūłasny padvorak i vyklikaū milicyju. Uviečary sapiory źniščyli bojezarad. Letaś toj čałaviek užo znajšoū byū na tym samym miescy 10 hetkich snaradaū. Jašče čatyry znajšli sapiory. Biełaruskaje vojska nia maje snaradaū takoha typu. Jany, vidać, zastalisia ū spadčynu ad savieckich čaściej. Datujucca jany 1980—88 h. Zaraz vajskoūcy namahajucca pa markiroūcy vyśvietlić, čyja ž zbroja trapiła ū Myšanku. Raku buduć praviarać z dapamohaj sučasnaha abstalavańnia, vadałazaū i inžynernych čaściej.
Vajna ź mini-rynkami
Baranavicki harvykankam zabaraniū pradavać na haradzkich mini-rynkach charčy, što chutka psujucca, a taksama cukar, muku, krupy j makaronu. Pastanova nia tyčycca haradzkoha i pryvakzalnaha rynkaū. Pradprymalniki pratestujuć. Jany ličać, što hetkim čynam ułady zmahajucca z rynkavaj ekanomikaj, bo 70% zabaronienych dla prodažu tavaraū žychary horadu nabyvajuć na mini-rynkach, a nia ū kramach.
Siamiejnaja trahiedyja
U vioscy Dobry Bor (Baranavicki r-n), što niedaloka ad Słonimu, padčas kupańnia ū Ščary pačaū tapicca 10-hadovy chłopčyk. Baćka pasprabavaū vyratavać syna. U vyniku patapilisia abodva.
Najechała na słup
Jechała nočču pa Baranavičach kabieta na rovary. Dy ū ciomnym zavułku Vadapravodnym najechała na aporu elektryčnaha słupa. U bolnicy pastavili joj dyjahnaz — strasieńnie mazhoū dy infekcyjanavanaja rana patylicy.
Pracoūnyja ū abaronu dyrektara
Pracoūnyja Baranavickaj ptuškafabryki abaranili svajho dyrektara Ryhora Šostaka. Padčas svajho dyrektarstva jon zdoleū bolš-mienš stabilizavać vytvorčaść. Ptuškafabryka vypuściła najbolšuju kolkaść jajek va ūsioj krainie.
Adnak dyrektar pryjšoūsia nie daspadoby funkcyjaneram z abjadnańnia “Biełptuškapram”. Adtul uvieś čas pryjaždžali pravierki, nakładali roznyja štrafy. Šostak admoviūsia vykonvać zahad abjadnańnia ab złučeńni troch ptuškafabryk (Baranavickaj, Haradziščanskaj i Ciešaūlanskaj), bo takoje abjadnańnie pachavała b jaho pradpryjemstva.
Paśla napisańnia dyrektaram pad ciskam zajavy ab zvalnieńni adpaviedny zahad na ptuškafabryku pryvioz namieśnik abjadnańnia “Biełptuškapram”. Adnak pracoūnyja ptuškafabryki, daviedaūšysia ab hetym, sabralisia ū zali pasiadžeńniaū j pačali pahražać strajkam, kali dyrektar budzie źniaty.
Zahad ab zvalnieńni pavieźli nazad u Miensk. Pakul na ptuškafabrycy ūsio zastałosia pa-staromu.
Rusłan Raviaka, Baranavičy
Камсамольскі фэст
У Бялынічах 20 ліпеня адбыўся 9-ы абласны фэст вайскова-патрыятычнай песьні імя камсамольца Лёні Лорчанкі. Абкладзены фашыстамі непадалёк ад вёскі Антонава Буда, хлопец апошняй гранатай падарваў сябе і некалькіх немцаў. Фэстываль ладзіцца раз на два гады і зьбірае ўдзельнікаў мастацкай самадзейнасьці з усяе Магілёўшчыны. Сёлета арганізатары прыклалі ўсе намаганьні, каб зрабіць яго нацыянальным. Мо дзеля гэтага яны запрасілі старшынём журы Ігара Лучанка.
Базыль Ліцьвіновіч,
Бялынічы
Ня стала Айзенмана
На тым тыдні памёр бабруйскі бізнэсовец Міхаіл Айзенман, прызнаны па выніках мінулага году найлепшым прадпрымальнікам Магілёўскай вобласьці. У Бабруйску Айзенман валодаў сеткай крамаў “ХХІ стагодзьдзе”. Было яму 52 гады.
Віктар Качан, Бабруйск
