20.06.2007 / 20:55

Выбары‑2008 могуць прайсьці паводле партыйных сьпісаў 4

Сёньня сустаршыні Палітычнай рады аб’яднаных дэмакратычных сілаў сустрэліся з кіраўнікамі дыпляматычных місіяў краінаў Эўразьвязу, акрэдытаванымі ў Менску.

Сёньня сустаршыні Палітычнай рады аб’яднаных дэмакратычных сілаў Вінцук Вячорка, Сяргей Калякін, Анатоль Лябедзька ды Анатоль Ляўковіч сустрэліся з кіраўнікамі дыпляматычных місіяў краінаў Эўразьвязу, акрэдытаванымі ў Менску.

Як паведаміў «Белорусскому партизану» Сяргей Калякін, падчас сустрэчы лідэры апазыцыі расказалі дыпляматам пра сваё бачаньне палітычных і эканамічных працэсаў у Беларусі: пра тое, што адбываецца ў краіне, падрыхтоўку да выбараў у Палату прадстаўнікоў, а таксама пра акцыі аб’яднанай кааліцыі, заплянаваныя на восень : Сацыяльны марш і Эўрапейскі маршы.

«Уласна, праца з эўрапейскімі пасламі мае дваякую функцыю. З аднаго боку, яны дазваляюць нам (так як ЭЗ — гэта адзіны палітычны суб’ект, які мае сур’ёзны ўплыў на Беларусь), давесьці да гэтага палітычнага суб’екта наш пункт гледжаньня наконт сытуацыі ў краіне, прагнозы разьвіцьця сытуацыі і пра тое, што, на нашу думку, можа зрабіць Эўрапейскі зьвяз для паляпшэньня сытуацыі. У прыватнасьці, гэта працяг аказваньня ціску на ўлады з мэтай вызваленьня ўсіх палітвязьняў і дэмакратызацыі выбарчага заканадаўства ў краіне. На наш погляд, тут ёсць пэўныя пэрспэктывы. Зь іншага боку, ЭЗ можа весьці дыялёг з уладамі, а мы зараз такой магчымасьці ня маем. Таму, выкладаючы нашу пазыцыю, мы вядзем апасродкаваны дыялёг з уладамі».

Што да правядзеньня выбараў, то лідэры партый не выключаюць таго, што абраньне дэпутатаў парлямэнту ў 2008 г. можа праходзіць па мяшанай сыстэме. На гэта, паводле словаў С. Калякіна, указвае актыўнасьць арганізацыі «Белая Русь», якая і можа з часам стаць партыяй улады. Таму пытаньням падрыхтоўкі да выбарчай кампаніі аб’яднаная апазыцыя зараз удзяляе павышаную ўвагу.

0
Саянаў / Адказаць
20.06.2007 / 22:47
В.Быкаў: “Даўно вядома, што дэмакратыя можа разьвівацца толькі ад няпоўнай дэмакратыі да больш дасканалай, да поўнай, можа быць. А ва ўмовах таталітарызму дэмакратыя ня можа існаваць нават у зачатках. Таму, што датычыць выбараў, яны ў нашых умовах проста немагчымыя, дэмакратычныя выбары. Дэмакратычныя выбары ва ўмовах таталітарызму, ва ўмовах аўтакратычнай дыктатуры немагчымыя. Бо яны непазьбежна будуць сфальсыфікаваныя, як гэта ў нас і адбываецца ўжо не адзін год. Таталітарныя сілы вельмі ўмела карыстаюцца дэмакратычнымі інстытуцыямі, і якраз гэтае іх умелае карыстаньне прымаецца заходнімі наглядальнікамі, заходнімі палітолягамі, – прымаецца за чыстую манэту, за чыстую гульню. На самай справе, гэта самая шулерская гульня. Так было ў нас, пры камуністах, так працягваецца і цяпер таксама”.
0
Vital / Адказаць
21.06.2007 / 02:10
Smeshna... Navoshta uladze - "partyja ulady"? Jany i tak niablaga vybary pravodziac. Chargovaja durasc... Adchuvaju ruku Liabedzki
0
Саянаў / Адказаць
21.06.2007 / 09:35
В.Быкаў: “Даўно вядома, што дэмакратыя можа разьвівацца толькі ад няпоўнай дэмакратыі да больш дасканалай, да поўнай, можа быць. А ва ўмовах таталітарызму дэмакратыя ня можа існаваць нават у зачатках. Таму, што датычыць выбараў, яны ў нашых умовах проста немагчымыя, дэмакратычныя выбары. Дэмакратычныя выбары ва ўмовах таталітарызму, ва ўмовах аўтакратычнай дыктатуры немагчымыя. Бо яны непазьбежна будуць сфальсыфікаваныя, як гэта ў нас і адбываецца ўжо не адзін год. Таталітарныя сілы вельмі ўмела карыстаюцца дэмакратычнымі інстытуцыямі, і якраз гэтае іх умелае карыстаньне прымаецца заходнімі наглядальнікамі, заходнімі палітолягамі, – прымаецца за чыстую манэту, за чыстую гульню. На самай справе, гэта самая шулерская гульня. Так было ў нас, пры камуністах, так працягваецца і цяпер таксама”.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру