***
12 лістапада.
Алесю К. зь Менску. Сабачыя гісторыі ў Вас атрымаліся прыватныя. Багата хто з чытачоў не зразумее, пра што гаворка.
Рому П. з mail.ru. Пытаньне пра кабарэ перашлем аўтару.
Жаньне Н. зь Менску. Ахвяруйце тады гэтыя грошы, гэтую кватэру на беларускі рух.
Дарылі Л. з Залесься. На жаль, ваш матэрыял запазьніўся на два тыдні — пра такія падзеі трэба паведамляць хутка, бо інфармацыя мае ўласьцівасьць старэць. Апроч таго, пішучы пра сустрэчу з паэткай, Вы не пазначылі, у які ж дзень яна была, а сказаўшы пра “ўнікальны пагляд” спн.Іпатавай на нашу гісторыю не адзначаеце, у чым ягоная ўнікальнасьць. Улічыце гэта, калі ласка, як будзеце яшчэ нам пісаць.
С. зь Менску. За добрыя словы і за запрашэньне вялікі дзякуй.
Сяргею Б. з Гомеля. З “Днямі санітараў” тая ж праблема што і раней: стыль ёсьць — сюжэтнага стрыжню няма. Назьбірана ўсяго-ўсякага. Не газэтная рэч.
Разаліі Р. зь Менску. Газэта не магла прысьвяціць той нумар тэме захопу заложнікаў у Маскве, бо яны здарыліся, калі газэта падпісвалася ў друк, і зьмяніць яе мы ўжо не маглі. Мы мусілі прааналізаваць усе галоўныя падзеі тыдня — у тым ліку і канфлікт вакол Нямцова. Пагледзеце наступны нумар — там напісана болей.
Міколу Б. з Дубровы. Зрабіць даведнік, як Вы прапануеце, мы наўрад ці пакуль здолеем. Абмяжуемся, відаць, вялікім выніковым Калядным нумарам.
Алене з Магілева. Магілеўскіх ТБМаўцаў узначальвае сп.Міхась Булавацкі. Зь ім можна скантактавацца, даслаўшы ліст на адрас: 212030, г.Магілеў, а/с 3.
