Адзін сабака адчуў, што надыходзіць час, калі ён ператворыцца ў Граждана. І, пакуль яшчэ былі сілы, вырашыў павярнуць сібірскія рэкі ў Азію, каб і смаркатыя вярблюды адчулі радасьць жыцьця.
Аднаму сабаку прысьнілася, што ён Шамаханская царыца і яму ўсе гражданы служаць. А Граждану сьніліся чорныя мальчыкі, якіх ён бачыў у заапарку.
Адзін сабака прастыў і не пайшоў на працу. Да яго прыбег Граждан і прапанаваў адрачыся ад старога міру і выпіць адэкалёну.
У аднаго сабакі з надыходам маразоў зрабілася халодна ў кватэры. У іншага сабакі прапала гарачая вада. І толькі Граждан радаваўся — ад марозу ў яго ў ложку падохлі ўсе блохі.
Адзін сабака пасьлізнуўся і апрытомнеў загіпсаваны ў лякарні. Граждан пасьлізнуўся і доўга ляжаў на тратуары, а калі ачуняў, сказаў: “Зь біялагічаскай точкі зрэнія яйцаноскасьць кур мала завісіць ад прысутствія пітуха…”
Аднаму сабаку стала халодна, і ён цёпла апрануўся. А Граждан, адчуўшы холад, пачаў званіць у міліцыю і патрабаваць прадаўжэньня банкету.
В.К.
