Канфэрэнцыя «Змагары за веру сустракаюцца з моладзьдзю», якую ладзіў незарэгістраваны «Малады фронт», прайшла ў найлепшых традыцыях дысыдэнцтва.
Удзельнікі сабраліся ў прызначаным месцы (каля Палацу спорту), адкуль праваднік завёў усіх «на яўку». У імпрэзе бралі ўдзел «вэтэраны»-пратэстанты: 72-гадовы сьвятар Эрнст Сабіла й 83-гадовы вернік Ўладзімер Канатуш. Абодва пакаштавалі савецкага лягеру.
У.Канатуш трапіў туды ў 1950 г. на пяць гадоў: «Я нават Біблію меў, хоць было забаронена. Мне прыслалі цыбулю, загорнутую ў старонкі зь Бібліі. Я іх сшыў і трымаў каля сябе». Падчас ператрусаў клаў Біблію пад два тамы Дастаеўскага: паглядзяць адну кнігу зьверху, другую, а ніжнюю ўжо і не чапаюць. Калі Біблію забіралі-такі, Канатуш ішоў да начальства й казаў: «Вы ведаеце, што я сяджу за веру, таму аддайце мне Кнігу».
Поўны варыянт артыкулу глядзіце ў газэце "Нашa Ніва".
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня3
Каментары