У Беларусі цяпер тры калёніі для непаўналетніх хлопцаў — адна ў Бабруйску, дзьве ў Віцебску.
Дзяўчат утрымліваюць у спэцыяльным участку Гомельскай калёніі для жанчын. Хлопцаў ад 15 да 20 гадоў у няволі паўтары тысячы, а дзяўчат такіх толькі трыццаць на ўсю Беларусь. Вялікая колькасьць непаўналетніх — з праблемных сем’яў, шмат хто — зь няпоўных сем’яў (самотныя маці). А часам бацькі папросту не рэгіструюць разводу, хоць у сям’і няма ніякіх сувязяў ні паміж мужам і жонкай, ні зь дзіцем. Ускосна гэта пацьвярджаецца тым, што да падлетка ў калёнію ніхто ня езьдзіць. Бацькі не падтрымліваюць кантакту. Ім не стае ні душэўных рэсурсаў, каб любіць сваё дзіця, ні матэрыяльных, каб спакаваць перадачу.
Поўны варыянт артыкулу глядзіце ў газэце "Нашa Ніва".
Алеся Карнейчык
