Галоўнай падзеяй музычнай восені стане выхад доўгачаканага альбому «Нэйра Дзюбелю» «Tanki».

Усяго ж у верасьні—лістападзе айчынныя выканаўцы сучаснай музыкі маюць выпусьціць больш за 20 дыскаў.

«Tanki» ў дыскаграфіі першых айчынных панкаў будуць 13-м па ліку, але першым беларускамоўным альбомам. Некаторыя песьні зь яго («Сёма», «Пацалунак», «Таварыш Чэ») прыхільнікі групы чулі на сольных канцэртах групы ды на «Генэралах айчыннага року». Галоўнае адрозьненьне «Tank’аў» ад папярэдніх альбомаў ня ў мове: альбом абяцае быць больш разнастайным па музыцы. У гукавы арнамэнт, акрамя традыцыйнага складу інструмэнтаў, уплецена дуда, дый склад групы абнавіўся, заменены гітарыст і басіст. Але ж пазнавальны прыхардаваны панк-рок застанецца. Канцэпт, вокладка і нават лягатып для фірмовых саколак ужо прыдуманы. Матэрыял — у працэсе падрыхтоўкі.

Поўнасьцю гэты артыкул можна прачытаць у папяровай і pdf-вэрсіі "Нашай Нівы"

Сяргей Будкін