«Весьягонская ваўчыца» («Весьегонская волчица»)
Расея, 2003, каляровы, 102 хв.
Жанр: экалягічная мэлядрама
Адзнака: 4,5 (з 10)
Мікалай Салаўцоў раней здымаў навукова-папулярныя фільмы пра жывёл. «Весьягонская ваўчыца» — ігравая карціна Салаўцова. Хаця паўсюль пазначаецца, што гэта драма і нават трылер, фільм — экалягічная мэлядрама з дыдактычным фіналам.
Ваўкаваты паляўнічы Ягор высочвае ваўчыцу, якая тэрарызуе вёску. Але жывёла не забітая, і герой спрабуе ўтаймаваць лясную жыхарку, пасадзіўшы яе на ланцуг. Паміж паляўнічым і ваўчыцай расьце каханьне й нянавісьць са сцэнамі рэўнасьці й задушэўнымі размовамі. Вяскоўцы падазраюць паляўнічага ў ваўкалацтве, а шэрая драпежніца дае прыплод ваўчанятак (самыя фотагенічныя істоты ў карціне).
Для беларускіх гледачоў фільм цікавы ўжо тым, што ў ім іграюць акторы Ўладзімер Гасьцюхін і Алег Фамін. Калі вобраз чырванатварага і гарластага суседа-злыдня для Гасьцюхіна невынаходлівы, то Алег Фамін, вядомы маргінальным і бунтоўным Арлекіна, вылучаецца.
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
Андрэй Расінскі