Адметная гісторыя здарылася ў Шклове, на радзіме Аляксандра Лукашэнкі.
Раённая газэта «Ўдарны фронт» 18 верасьня зьмясьціла верш за подпісам «вэтэрана працы Барыса Касьцюка», што прыйшоў па пошце. Толькі пасьля надрукаваньня разгледзелі, што зьмешчаны твор — акраверш: першыя літары ў кожным радку ствараюць адмысловае выказваньне. Аўтара твору знайсьці не ўдалося, бо нават капэрту з-пад вершу ўжо выкінулі.
Віна за публікацыю была ўскладзена на Ніну Буйніцкую, якая замяшчала галоўнага рэдактара «Ўдарнага фронту» і падпісала газэту ў друк. Гэтую жанчыну ўжо звольнілі з працы.
Хоць, магчыма, першыя літары ў вершы, поўным шчырай любові да гаранта стабільнасьці, супалі і выпадкова:
Шагаем твердо и спокойно
Единой, правильной тропой.
Нас не затронут бури, войны,
Когда есть Президент такой!
Што да мастацкіх вартасьцяў, дык пра іх выразна сьведчыць абыгрываньне клясычнага «О Беларусь, мая шыпшына!»:
О Беларусь, моя страна!
Услышь ты сердца ясный зов.
Будь мудрой, как всегда была.
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
АШ