Сіўковіч Валянціна. Беларуская мова. Кароткі даведнік: Для школьнікаў, абітурыентаў, студэнтаў. — Менск: УнівэрсалПрэс, 2004.
Сіўковіч Валянціна. Беларуская мова ў пытаньнях, адказах і практыкаваньнях: Для вучняў старэйшых клясаў, для абітурыентаў, для студэнтаў-практыкантаў, для настаўнікаў, для самаадукацыі. — Менск: УніверсалПрэс, 2004.
Гэтыя дзьве кніжкі — адна кампактная, на няпоўную сотню старонак, другая — грунтоўны фаліянт на 32 з паловай выдавецкія аркушы — яшчэ адзін канкрэтны плён дзейнасьці Беларускага гуманітарнага ліцэю. Сёньня ліцэісты вывучаюць гісторыю па «нарысах» Сагановіча і Шыбекі, літаратуру — па кнізе аўтара гэтых радкоў (другая частка рыхтуецца да выданьня ў суаўтарстве зь Міхасём Тычынам і Пятром Васючэнкам), цяпер адмысловыя дапаможнікі яны будуць мець і на занятках па практычнай граматыцы беларускай мовы.
Валянціна Сіўковіч 10 гадоў выкладае ў ліцэі названую дысцыпліну й належыць да грона самых пасьпяховых і творчых выкладнікаў. Пад кіраўніцтвам спн.Валянціны дзясяткі ліцэістаў заваёўвалі дыплёмы Ўсебеларускіх алімпіяд, што, аднак, сталася ў прынцыпе немагчымым пасьля таго, як ліцэй быў змушаны перайсьці ў падпольле.
Поўны варыянт артукулу чытайце ў газэце "Наша Ніва"
Лявон Баршчэўскі