Супрацоўнік пракуратуры Анатоль Бяржанін крытыкуе падатковую інспэкцыю і Камітэт дзяржкантролю.
«Дзе гэты Аўтуховіч возьме 600 мільёнаў рублёў? Лічу, што пракуратуры трэба было б унесьці пратэст на рашэньне падатковай інспэкцыі».
21 сакавіка ў Рэспубліканскім інстытуце вышэйшай школы пры БДУ пачаліся двухтыднёвыя курсы пра грамадзкую небясьпеку карупцыі. Лекцыі пэдагогам са сталічных і рэгіянальных ВНУ ды тэхнікумаў ужо прачыталі эканамісты (адна з выкладчыц хвалілася, што пры канцы 1990-х пакінула салігорскіх шахцёраў без законна набытых доляў маёмасьці ў «Беларуськаліі»), ідэолягі і нават работнік КДБ. Сказаў антыкарупцыйнае слова і кандыдат юрыдычных навук, начальнік упраўленьня пракуратуры Анатоль Бяржанін. Пры гэтым прысутнічаў карэспандэнт «НН».
Часам прамова Бяржаніна была досыць эмацыйнай: «У Ваўкавыску падатковая інспэкцыя спаганяе 600 млн руб. з прадпрымальніка Мікалая Аўтуховіча. Ён і яго кіроўцы цяпер галадаюць. Падумайце, дзе гэты «аўганец» возьме столькі грошай? Лічу, што пракуратуры трэба было б унесьці пратэст на рашэньне падатковай інспэкцыі, і маю пазыцыю падзяляюць юрысты з Канстытуцыйнага суду. На жаль, новае кіраўніцтва рэспубліканскай пракуратуры мяне не падтрымала».
Высокапастаўлены пракурор восем гадоў працаваў поруч з Шэйманам. Летась А.Бяржанін праз «Советскую Белоруссию» прапаноўваў заводзіць крымінальныя справы ў дачыненьні да тых, хто падазраваў яго шэфа ў выкраданьні людзей, а гэтым разам жорстка раскрытыкаваў чыноўнікаў сярэдняга зьвяна з Камітэту дзяржкантролю, якія завышаюць памеры санкцый да прадпрыемстваў, фактычна спыняючы іх дзейнасьць.
Поўны варыянт чытайце ў папяровай і pdf-вэрсіі газэты "Наша Ніва"
Цяпер чытаюць
Пяткевіч: Сацыяльная сфера — яшчэ і эканоміка. А ў культуры людзі хацелі б, каб было, як у іншых краінах14
Каментары