Fota: minpriroda.gov.by
Para biełaruskich zubroŭ z Nacyjanalnaha parku «Biełaviežskaja pušča» dastaŭlena ŭ Kitaj, paviedamlaje Ministerstva pryrodnych resursaŭ Biełarusi.
Padčas aficyjnaha vizitu ŭ Kitaj u pačatku hoda Alaksandr Łukašenka ŭ jakaści padarunka pieradaŭ siertyfikat na dvuch zubroŭ.
U piatnicu zubry dastaŭlenyja ŭ Kitaj i pieradadzienyja ŭ piekinski zaapark Cynčuań.
U vieraśni było zaklučana pahadnieńnie ab achovie jeŭrapiejskaha zubra. Na padstavie hetaha dakumienta kitajski bok abaviazvajecca pravilna ŭtrymlivać samca i samku zubra ŭ paŭsvabodnych umovach, a taksama zabiaśpiečyć dohlad za žyviołami, jaki adpaviadaje ŭsim vieterynarnym patrabavańniam. Za imi buduć nazirać, kantralavać vahu, prypłod i paviedamlać pra heta biełaruskamu boku.
Ciapier u Biełarusi naličvajecca 11 mikrapapulacyj zubra, ahulnaja kolkaść usioj biełaruskaj papulacyi hetych žyvioł za apošnija 30 hadoŭ pavialičyłasia ŭ siem razoŭ. Ciapier u Biełarusi žyvie 2616 zubroŭ.
Zubr zaniesieny ŭ Čyrvonuju knihu Biełarusi, ale na jaho dazvolena palavańnie. Kaštuje palaŭničy tur ad piaci tysiač jeŭra.
Čytajcie taksama:
Ź Biełaviežskaj puščy vyjšli amal usie zubry. Kudy i navošta?
niejak heta hučyć... nie viedaju, jak skazać... pucinu siertyfikat na traktar daryŭ, dyk toje technika, a tut žyvaja istota. žyvioły buduć vyrvany sa zvykłaha asiarodzia, pieramieščany ŭ inšy klimat. pra pryrodnyja ŭmovy navat nie vypadaje kazać, bo tut jany byli ŭ puščy - na voli, a tam apynucca ŭ zaaparku