Apošni ŭ hetym hodzie ahlad muzyčnych navinak. Što pryjemna, znoŭ nie abyšłosia bieź biełaruskich hurtoŭ. Dobraha prasłuchoŭvańnia.
Michael Kiwanuka — KIWANUKA
Treci studyjnik brytanskaha muzyki Majkła Kivanuki, kaho šmat paraŭnoŭvajuć ź Biłam Uizersam, Ocisam Redzinham i navat Džymi Chendryksam.
I niezdarma, bo novy albom hučyć tak, niby jon byŭ zapisany ŭ 70-ch, i spałučaje ŭ sabie jak elemienty soŭłu i bluzu, tak i psichadeličny rok.
Shortparis — Tak zakalałaś stal
Rasijski hurt vyznačaje siabie jak apazicyju sučasnaj muzyčnaj scenie i epatuje słuchačoŭ pravakacyjnymi vobrazami, tekstami i klipami.
«Kak zakalałaś stal» — kampazicyja ź dzieviaci raznarodnych častak. Reliz vybudavany jak ruch ad hlancavych formaŭ da pratestu, jaki tolki iluzorna mahčymy ŭnutry pop-kultury.
SebastiAn — Thirst
Francuzski elektronščyk SebastiAn źjaviŭsia na scenie ŭ siaredzinie 2000-ch jak tajamničaja postać, jakaja hraje nietryvijalny french touch, spradziusiravaŭ albom Charlotte Gainsbourg pad nazvaj Rest, zapisaŭ debiutnuju płaścinku Total i «źnik».
Praz vosiem hadoŭ SebastiAn pradstaviŭ novy łonhpłej Thirst. Napiaty, jak struna, fryvolny, miescami ciomny albom, pabudavany na sučasnym sint-hučańni minornych kłavišnych pasažaŭ.
Bieź Bileta — Lehienda
28 śniežnia na «Minsk-Arenie» ŭ znanaha biełaruskaha hurta adbudziecca raźvitalny kancert. Sumna, ale hurt, zasnavany ŭ 1999 hodzie, vyrašyŭ pastavić kropku ŭ svaim isnavańni.
Što budzie dalej, pakaža čas. A pakul možacie pasłuchać albom, u jaki ŭvajšli pieraapracavanyja najlepšyja pieśni hurta.
Dielfin — KRAJ
«Kraj» — heta kali nie praciah letašniaha alboam 442, to jak minimum jaho advarotny bok.
«Padziei, što adbyvajucca vakoł nas, jak by nam hetaha ni nie chaciełasia, usio roŭna ŭpłyvajuć na naša žyćcio. U pracy nad albomam «Kraj» ja dumaŭ pra toje, jakija ŭ suviazi z hetym dumki, pačućci, stany avałodvajuć ludźmi, i pra toje, jakija pracesy va ŭnutranym śviecie čałavieka pravakujuć źniešnija faktary», — raspavioŭ ab novym relizie sam Delfin.
Grebz — Reppieq
Pamiatajecie pieśniu «Tajet lod», jakaja paru hadoŭ tamu hučała z kožnaha prasa? «Hryby» tak chutka źjavilisia na rep-scenie i nastolki ž chutka źnikli.
Ciapier ukraincy nazyvajucca Grebz, jany pahladzieli na šou-biznes znutry i maksimalna, zdajecca, zachacieli ad jaho dystancyravacca. Duet pazbaviŭsia pradziusiera Juryja Bardaša, usialakich kantraktnych abaviazkaŭ i robić ciapier andehraŭdny chip-chop.
Coldplay — Everyday Life
Płytka składajecca ź dźviuch častak: Sunrise i Sunset, — jakija adlustroŭvajuć dva roznyja baki čałaviečaha žyćcia.
Albom stvaraje dziŭnaje, kali nie skazać nieadnaznačnaje, ŭražańnie. Jak vykazaŭsia ŭ adnym ź intervju Krys Marcin: «Uvieś albom pra toje, jak być čałaviekam. Kožny dzień — heta pyšna, kožny dzień — heta kašmarna i kožny dzień — heta dabrasłavieńnie».
Lindemann — F&M
Duet Lindemann vypuściŭ druhi poŭnafarmatny albom pad nazvaj F&M (Žančyna i Mužčyna).
Dysk vyjšaŭ praz 4 hady paśla relizu debiutnaha łonhpłeja Skills in Pills sumiesnaha prajekta Cila Lindemana i Pietera Tehthrena. U hety raz albom całkam niamieckamoŭny, a trek-list utrymlivaje šerah piesień, pradstaŭlenych viasnoj 2018 hadoŭ u śpiektakli Hänsel und Gretel, u stvareńni jakoha brała ŭdzieł dačka Lindemana.
Sucelnaje śviata dla amataraŭ Rammstein.
Pianoboj — CHISTORI
Praca nad albomam viałasia dva hady. Za hety čas, pa słovach samoha Dmytro Šurava, ź im adbyłosia šmat roznych rečaŭ: drennaje i dobraje. U rešcie rešt usio heta pryviało da mahutnaha i žyćcieśćviardžalnaha pučka emocyj pad nazvaj Chistori.
Leonard Cohen — Thanks For The Dance
Prykancy listapada vyjšaŭ paśmiarotny albom vialikaha Leanarda Koena.
Zdavałasia, «You Want It Darker» zrabiła kropku ŭ muzyčnaj spadčynie Koena, ale jon daručyŭ synu skončyć pracu nad materyjałam, jaki sam aŭtar nie skončyŭ.
Našy papiarednija ahlady:
