П'еса «Сальта-мартале»
У мінулыя выхадныя ў Брэсце стартаваў штогадовы тэатральны фестываль «Белая вежа — 2013».
Яго адкрыў спектаклем паводле п’есы Кандрата Крапівы «Хто смяецца апошнім» мінскі Тэатр-студыя кінаакцёра «Беларусьфільма». Затым Гродзенскі абласны тэатр лялек паказаў спектакль «Пікавая дама».
Кульмінацыяй другога фестывальнага дня стаў вулічны спектакль тэатра Strefa Ciszy з Познані. П’еса «Сальта мартале» для дванаццаці акцёраў і шасці фартэпіяна заснавана на гісторыі канца Другой сусветнай вайны і расказвае аб знішчэнні культурных каштоўнасцей.
Наступны вулічны спектакль у выкананні Львоўскага акадэмічнага духоўнага тэатра «Уваскрэсенне» брэстаўчане ўбачаць у сераду вечарам.
Завершыцца «Белая вежа» 14 верасня.
За гэты час гледачы ўбачаць 24 спектаклі ад 23 тэатральных калектываў з Беларусі, Азербайджана, Арменіі, Грэцыі, Егіпта, Ізраіля, Польшчы, Літвы, Расіі, Славакіі, Украіны, Чэхіі, Швецыі і Японіі.
