Беларусь не інфармавала Літву, хто ўключаны ў спіс санкцый Мінска супраць літоўскіх службовых асоб. Пра гэта ў чацвер у эфіры нацыянальнага радыё LRT заявіла дарадца прэзідэнта па пытаннях замежнай палітыкі Аста Скайсгірыце, піша ТАСС.
«Ніякага паведамлення ад Беларусі са спісам асоб, у дачыненні да якіх уведзеныя санкцыі, мы не атрымлівалі», — сказала яна.
Як адзначыла дарадца, кожная дзяржава на сваё меркаванне вырашае, ці называць тых, хто падвергнуўся пэўным абмежавальным мерам, або не.
«Літва, Латвія і Эстонія ў гэтым сэнсе дэманструюць адкрытасць. Нашы [санкцыйныя] спісы абвешчаныя і даступныя», — сказала Скайсгірыце.
Пра ўвядзенне санкцый у адказ МЗС Беларусі заявіла ў аўторак.
0
0
0
0
0
0
