prosecutor.am
Генпракуратура Арменія атрымала доказы ўдзелу турэцкіх вайскоўцаў ва ўзброеным канфлікце ў Нагорным Карабаху. Пра гэта ў нядзелю паведаміла прэс-служба ведамства, піша РБК.
Як гаворыцца ў паведамленні, Генпракуратура займалася папярэднім расследаваннем крымінальнай справы, заведзенай па факце развязвання Азербайджанам вайны ў Нагорным Карабаху.
«Была атрыманая фактычная інфармацыя аб тым, што з пачатку жніўня гэтага года ўзброеныя сілы Турцыі праводзілі масавыя баявыя вучэнні з вайскоўцамі Азербайджана», — заявілі ў Генпракуратуры.
Трэніроўкі вайскоўцаў былі накіраваныя на атрыманне навыкаў вайны ў горных умовах. Як паведамляе прэс-служба, у ходзе вучэнняў «вайскоўцы Турцыі заявілі, што ў найбліжэйшы час варта нанесці ўдар па ваенных пазіцыях Арцаха».
Пасля гэтага, як сцвярджаюць у Ерэване, вайскоўцы турэцкага спецназа прымалі непасрэдны ўдзел у баявых дзеяннях у рэгіёне.