БелТА
Пра гэта ён заявіў на сесіі Савета калектыўнай бяспекі АДКБ, што праходзіць у анлайн-фармаце, піша БелТА.
«Свет чарговы раз стаіць на парозе развязвання некантралюемай гонкі ўзбраенняў. Абвастраюцца самыя небяспечныя з'явы, а менавіта ваеннае супрацьстаянне паміж сусветнымі цэнтрамі сілы, — сказаў ён. — Сур'ёзную занепакоенасць выклікае нарошчванне ваеннай прысутнасці ЗША і НАТА каля заходніх меж АДКБ».
Лукашэнка растлумачыў, што ў першую чаргу гаворка ідзе аб размяшчэнні дадатковага амерыканскага кантынгенту ў Польшчы і яе планах па стварэнні новых аб'ектаў ваеннай інфраструктуры. «Мы выразна бачым павелічэнне сістэмных мерапрыемстваў ваеннага характару на тэрыторыі гэтай краіны і ў дзяржавах Балтыі», — дадаў Аляксандр Лукашэнка.
«Разам з тым пад прыцэлам ваеннай актыўнасці знаходзяцца не толькі нацыянальныя інтарэсы Беларусі. У дадзеным кантэксце варта разглядаць і заявы НАТА аб распрацоўцы нейкай новай стратэгічнай канцэпцыі. Мяркую, ужо ўсім ясна, супраць каго і чаго яна будзе накіраваная», — адзначыў ён.