Аляксандр Шастакоў прызначаны новым дырэктарам Купалаўскага тэатра. Пра гэта ў сваім тэлеграм-канале паведаміла Міністэрства культуры.
Да прызначэння Шастакоў працаваў намеснікам начальніка ўпраўлення культуры Мінгарвыканкама.
Шастакоў ужо прадстаўлены калектыву тэатра — сход у Купалаўскім правёў кіраўнік ведамства Анатоль Маркевіч.
У жніўні мінулага года быў звольнены гендырэктар Купалаўскага тэатра Павел Латушка. Ён быў пазбаўлены пасады на наступны дзень пасля свайго ўдзелу ў акцыі пратэсту ў Мінску, дзе заклікаў да адстаўкі экс-міністра ўнутраных спраў Юрыя Караева і ўсіх адказных за жорсткае абыходжанне з затрыманымі.
Калектыў тэатра заступіўся за свайго былога кіраўніка. Супрацоўнікі запатрабавалі аднаўлення Латушкі на пасадзе і адстаўкі тагачаснага міністра культуры Юрыя Бондара.
