Кіраўнік Федэрацыі хакея Фінляндыі Хары Нумэла адказаў на пытанне аб магчымым байкоце чэмпіянату свету-2021, які павінен прайсці ў Мінску і Рызе, піша Прэсбол.

Як я ўжо казаў раней, у Беларусі не могуць і не павінны праводзіцца ніякія матчы. Нам патрэбны новы арганізатар турніру. Як варыянт, можна правесці турнір у Латвіі цалкам.

— Ці магчымы байкот з боку Фінляндыі?

Мы не выключаем ніякіх варыянтаў. Мы будзем ацэньваць сітуацыю пасля рашэнняў ІІХФ. Мы лічым, што гульні варта перанесці ў іншае месца і гуляць з неабходнымі рашэннямі па забеспячэнні бяспекі здароўя. Я думаю, што чатыры паўночныя краіны (Фінляндыя, Швецыя, Нарвегія і Данія) дзейнічаюць на адным фронце.

Як я ўжо казаў раней, у Беларусі не могуць і не павінны праводзіцца ніякія гульні. Нам патрэбны новы арганізатар турніру, — напісаў Нумэла ў твітары.