Сёння, 14 студзеня, на 98-м годзе жыцця памёр знакаміты беларускі мастак Леанід Шчамялёў. Пра гэта паведаміў Беларускі саюз мастакоў.
Леанід Шчамялёў нарадзіўся 5 лютага 1923 года ў Віцебску. Падчас вайны быў у эвакуацыі, дзе яго прызвалі ў Чырвоную Армію. Быў удзельнікам бітвы на Курскай дузе (1943), вызвалення Украіны, у баях за Мазыр быў цяжка паранены.
Скончыў Мінскае мастацкае вучылішча, затым Беларускі тэатральна-мастацкі інстытут. Вучыўся ў народнага мастака Віталя Цвіркі.
Выкладаў у Мінскім мастацкім вучылішчы, Рэспубліканскай школе-інтэрнаце імя Ахрэмчыка, архітэктурным факультэце БПІ.
Маляваў карціны, прысвечаныя Вялікай Айчыннай вайне, гістарычным асобам, дзеячам культуры і мастацтва, маляваў краявіды.
Вядомыя карціны: «Цяжкія гады», «Народны трыбунал», «Кастусь Каліноўскі», «Рэпін у Здраўнёве», «Леся Украінка», «Асенні кліч», «Вязынка», «Сосны», «Студзень у Мінску», «Зіма».
«Зіма» 1957 года. Фота з Вікіпедыі
Творы Леаніда Шчамялёва знаходзяцца ў Нацыянальным мастацкім музеі Рэспублікі Беларусь, Музеі сучаснага выяўленчага мастацтва, абласных краязнаўчых музеях.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары