Як стала вядома «Нашай Ніве» ад некалькіх не звязаных паміж сабой крыніц, напрыканцы студзеня адбудзецца прэзентацыя новай палітычнай сілы — аргкамітэта партыі «Дэмакратычны саюз».
За арганізацыяй стаіць былы кіраўнік штаба Валерыя Цапкалы Андрэй Ланкін. У мінулым Ланкін быў праектным менеджарам, працаваў у такіх буйных праектах, як МТБанк, «Атлант-Тэлекам», апошнім месцам працы быў Wargaming, адкуль Ланкін звольніўся перад пачаткам выбараў.
Андрэй Ланкін граў заўважную ролю ў кампаніі Цапкалы, але пасля аб’яднання вакол Ціханоўскай практычна знік з радараў. Не так даўно Ланкін далучыўся да Круглага стала дэмакратычных сілаў (КСДС), які праводзіць Юрый Васкрасенскі, які выконвае ролю «ўдзельніка дыялогу з уладамі». Дарэчы, найхутчэй, што офіс партыі будзе якраз знаходзіцца па адрасе Харужай, 25/1-6. Там раней месціўся штаб Віктара Бабарыкі, а цяпер КСДС.
Таксама не так даўно пра сваё жаданне стварыць палітычныя партыі заяўлялі некалькі прарасійскіх актывістаў, у тым ліку Сяргей Лушч. Тым не менш, Міністэрства юстыцыі пакуль не рэгістравала новыя ўтварэнні.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары