За некалькі хвілін да Байдэна прыняла прысягу віцэ-прэзідэнт Камала Харыс.
45-ы прэзідэнт Дональд Трамп адмовіўся ўдзельнічаць у цырымоніі інаўгурацыі новага кіраўніка дзяржавы. Віцэ-прэзідэнт яго адміністрацыі Майк Пенс на цырымонію прыйшоў.
Цырымонія інаўгурацыі праходзіла без гледачоў — на ёй прысутнічалі толькі афіцыйныя асобы і абмежаваная колькасць іх гасцей. Такое рашэнне было прынята праз каранавірус.