Прадпрыемства падвяло вынікі працы ў 2020 годзе: выручка ўпершыню пераадолела мяжу ў 100 млн даляраў.
Як паведамілі «Ежедневнику» на камбінаце, у 2019 годзе прадпрыемства мела 9 млн рублёў страт, але па выніках 2020 года атрымаўся прыбытак у 5 млн рублёў. У 2021 годзе прадпрыемства спадзяецца яго павялічыць.
Беларускі вытворца ў 2020 годзе выпусціў на 30% больш сыроў — усяго 28,6 тыс. тон. У параўнанні з 2018 годам аб'ёмы наогул выраслі ўдвая. Больш чым на трэць за год вырасла выручка ад рэалізацыі прадукцыі — з 200 млн да 271,7 млн руб. У даляравым выражэнні даходы прабілі сімвалічны 100-мільённую мяжу — амаль 111 млн даляраў.
Рэнтабельнасць продажаў павялічылася да 17%, эфектыўнасць вытворчасці таксама ўзрасла: з адной тоны сыравіны ў 2020 годзе атрымана 1280 рублёў (годам раней — 1160), а выхад прадукцыі склаў 14,1% (раней быў 13,8%).
У 2020 годзе на камбінаце павялічылі магутнасці па вытворчасці сметанковых сыроў. Устаноўлены лініі па перапрацоўцы і згушчэнні сыроваткі.
У планах на гэты год — мадэрнізацыя лініі выцяжных сыроў Пастаўкі ў іншыя краіны прынеслі кампаніі амаль 87 млн даляраў — на 20% больш, чым у 2019 годзе. Найбольшыя аб'ёмы экспарту прыпадаюць на Расію і Казахстан, сярод перспектыўных кірункаў — Турцыя, ААЭ і Ізраіль.
Тураўскі малочны камбінат заснаваны 2010 годзе, а вытворчасць сыроў запушчана праз тры гады. Агульны аб'ём інвестыцый склаў 115 млн еўра з тэрмінам акупнасці ў 10 гадоў (да 2023 годзе). Ўласная сыравінная база ўключае 9 гаспадарак у Гомельскай, Мінскай і Віцебскай абласцях. Прадпрыемства ўваходзіць у лік найбуйнейшых малочных вытворцаў і экспарцёраў Беларусі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары