«Белнафтахім» чакае ад «Раснафты» кампенсацыю за брудную нафту на $34,5 млн у эквіваленце, паведаміў БелТА прэс-сакратар канцэрна Аляксандр Цішчанка.
«Працэс кампенсацыі за брудную нафту вырашаны пакуль у частцы кампетэнцыі «Лукойла». Плацяжы ад «НК «Раснафта» пакуль не паступалі. Чакаем кампенсацыю ў памеры $34,5 млн у эквіваленце», — сказаў Аляксандр Цішчанка.
Праблемы з бруднай нафтай узніклі яшчэ ў красавіку 2019 года, калі адбылося рэзкае пагаршэнне якасці расійскай нафты Urals, што паступае па трубаправодзе «Дружба». У выніку многія краіны спынілі прымаць і перапрацоўваць такую нафту. Абодва беларускія нафтаперапрацоўчыя заводы — Мазырскі НПЗ і «Нафтан» — вымушаны былі знізіць загрузку магутнасцяў і панеслі страты, шкода была нанесена і трубаправоднай сістэме.